囡囡就是前世情人。
郭晉安（安仔）和陳柏宇出席活動，分享親子共讀心得。安仔自言以前做人好心急，要求仔女甚麼都要快點，當看完《與潘霍華一同默想主的降生：41天靈修之旅》這書後，才學習到毋須太急，連帶子女脾氣也轉化，現在家中氣氛會較靜同溫和。
安仔承認偏心女兒；柏宇就被老婆投訴望望囡囡即冧。
安仔承認偏心女兒；柏宇就被老婆投訴望望囡囡即冧。
陳柏宇自爆望實女兒的冧樣，被老婆投訴為何從未這樣對待過，他解釋只是老婆睡著不知而已。他說當抱住女兒唱歌時，女兒就會跟住「依依牙牙」。在旁的安仔笑指女兒有遺傳他的演戲細胞，女兒做出的表情更加豐富。安仔說：「我單起一隻眼，她直情單起兩眼。（對女兒較為偏心？）少少啦！其實不同類型的關心，視乎子女不同的需要。」
陳柏宇直言有計劃追生多個小孩，但也擔心若有兩孩會忽略其中一個。問可有照顧子女心得給陳柏宇？安仔說：「唔使㗎！一路睇住佢長大，你真係連命都畀埋佢。尤其是女兒會好窩心，會走入爸爸心裏面，我發現仔就要走入佢個心，女兒可能天生有這種能耐會氹得好開心。」
對於近日爆出「安心出軌」事件，談到跟男主角同樣叫「安仔」，郭晉安說：「點會尷尬，唔好再講會令件事更加好。」
陳柏宇在新歌《唞》MV中亦本色出演，飾演一個好煩的租客，不停地講。
陳柏宇（Jason）的吹水能力向來強橫，強到在YouTube開設Channel「廣偉論」暢所欲言，但估不到亦因為他的高超吹水能力，促成今次與 Yellow!野佬合作新歌《唞》之外，就連參與MV拍攝的林家熙（Locker）對於他的吹水能力都甘拜下風。
Jason與 Yellow!野佬合作新歌《唞》。
觀看相關影片按連結：https://youtu.be/tC31khwO2YI?si=JWJKTWOXmZJFn6CW
Jason在去年年中音樂頒獎禮後台巧遇Yellow!野佬，他即時邀歌，希望對方能為自己寫一首麻甩、日系感覺，屬於Yellow!野佬風格的作品，小胡@Yellow!野佬回憶道：「Jason問我哋有冇歌，仲話好想要野佬啲歌，咁我哋都好快速，半年之後就完成首歌俾佢，但估唔到Jason好慷慨， 一聽就話好正，仲話不如一齊玩，就促成咗今次嘅合作。」
Jason在去年年中音樂頒獎禮後台巧遇Yellow!野佬後即時邀歌。
Yellow!野佬
不過正式做歌時，發生了一段小插曲，就是小胡寫的旋律中，竟被隊友何兆基發現Verse的部份有點古天樂《男朋友》的影子，不過小胡表示：「唔係刻意抄襲，但唔小心哼咗人哋啲歌都唔出奇。」但為免引起誤會，經過投票後大家都決定修改了Verse的部份，大家無緣聽到舊版本了。歌曲的跳脫節奏，配上填詞人梁栢堅的歌詞，道出了人生小小道理：在都市生活，大家有時都會好攰，那就「唞下」，不要太辛苦，得閒要放放假。
小胡@Yellow!野佬、Jason
Jason的吹水功力，Yellow!野佬領教過，之後就連拍攝《唞》的MV時，當中的主角Locker都領教到。Locker在MV中扮演大廈保安，講述他返工遇到各式各樣的住客，而一班野佬與Jason就扮演其中。這是Locker第一次飾演保安，所以對所有事物都感到十分新奇，由更亭陳設，到巡樓過程，都令他感到十分新鮮，拍攝過程十分好玩。他更說：「今次MV裡面有打鬥有感情線又有同Jason嘅文戲，感覺好似拍緊一套戲。」
Locker在MV中扮演大廈保安。
MV講述他返工遇到各式各樣的住客。
野佬與Jason就扮演住客
問到與Jason交手的過程，Locker笑言對方的吹水功力令人讚嘆，「喺MV入面Jason係一個好煩嘅租客，係咁不停講，我哋拍攝嗰陣雖然唔收音，但Jason可以每個Take都有唔同嘅內容可以講到出嚟，如果佢唔做歌手，可以去開棟篤笑。」一如Locker所說，Jason上至按摩下至養寵物，總之每拍一Take就講及新的內容，而且內容幽默又搞笑，現場有些工作人員都忍不住爆笑。
Locker指Jason的吹水功力令人讚嘆。
更笑指如果Jason不做歌手，可以去開棟篤笑。
