戴頂帽披件褸就去購物 陳瀅忍耐力驚人無架子

Jeannie完全無「女神」包袱！

現年29歲的陳瀅（Jeannie），被不少網民封做「女神」，但她演出的角色就以「花瓶」居多。直至最近她終於「叻叻豬」，在剛播完的無綫劇《福爾摩師奶》中，扮演陰沉的高級交際花「素嘉」，喊戲和鬧交戲都被網民激讚演技大爆發，還看好她有機問鼎年尾的電視頒獎禮。

在剛播完的無綫劇《福爾摩師奶》中，Jeannie扮演陰沉的高級交際花「素嘉」，獲網民激讚佢演技大爆發。（《東周刊》圖片）

據《東周刊》報道，日前下午，Jeannie出席完一個劇集宣傳活動後，與經理人一齊現身附近的一個平民商場。當時，她連衫都未換，仍然着住劇集的宣傳tee，只披上外套、戴帽同埋口罩，就入了一間平民家品店度買東西。

陳瀅。（《東周刊》圖片）

Jeannie同埋經理人，之後行去附近一個平民商場，睇嚟係一心打算去買家庭用品。（《東周刊》圖片）

可以忍受住衫都不換，只戴帽稍口罩就去shopping，看來Jeannie不算貪靚兼無「女神」包袱。最神奇的是她當日駕駛着過百萬的保時捷，載埋經理人，還不介意對方在車上面食煙。看來，這個「女神」從沒當自己高高在上，而且忍耐力好強！

完咗劇集宣傳活動之後，Jeannie連宣傳tee都未除，只係披上外套、笠番頂帽同戴埋個口罩，就去行街。（《東周刊》圖片）

最後，Jeannie揸車返回尖沙咀的寓所，女神其實都幾深閨嘅。（《東周刊》圖片）

更多娛樂消息，請看東周網：http://eastweek.my-magazine.me/main/entertainment

吳嘉禧表示：「我係唔post正常相」。

娛樂圈中有很多不同的「閨密團」，陳瀅、賴慰玲、陳嘉寶與前Super Girls成員吳嘉禧（Cheronna）就因拍攝TVB劇集《女人俱樂部》成為好姊妹，其後再加上蔡思貝及何雁詩，六人組成閨密團「SÏXTERS」，以往經常聚會，感情相當好！不過，陳瀅近年經常四圍飛，多次缺席姊妹聚會，在今個農曆新年終於歸隊，合體團拜，但吳嘉禧近日貼出的合照卻嚇親網民。

陳瀅、賴慰玲、陳嘉寶、吳嘉禧、蔡思貝及何雁詩組成閨密團「SÏXTERS」

曾一同為何雁詩經婚擔任姊妹團。

大時大節都會聚會。

但對上一次齊人已是2021年的聖誕節。

陳瀅近年經常四圍飛，所以多次缺席姊妹聚會。

去年農曆新年六缺一。

吳嘉禧在IG分享SÏXTERS的姊妹賀年合照，但第一張相就見桃花上掛着六人的「人頭」，賀年照瞬間變成恐怖片畫面，吳嘉熙留言解釋：「實6個一齊影相最麻煩就係要執相，但係呢，你執相中途又要睇下個group會唔會send張update嘅版本出嚟，如果唔係你又要由頭開始，我就係冇中途睇
結果我就執咗幾次，咁啱幾次都係我，仲要張update唔係執個人，係執啲花，吹脹。故事教訓，執相前、中、後都要留意個group，否則前功盡廢，龍年希望大家唔洗成日執相，因為大家會好靚#我係唔post正常相#圖一圖二係我發脾氣之作#圖三係鄭太之作」。

SÏXTERS終於齊人！

有啲恐怖就有啲好笑。

吳嘉禧話呢張係鄭太何雁詩之作。

不少網民看過影片都被吳嘉禧的惡搞之作逗笑，紛紛留：「發脾氣執都咁靚，點㗎啫！新年快樂！開開心心」、「第一張心諗：做咩事棵花咁恐怖，但係cute嘅。like hashtag #我係唔post正常相」、「呢個layout ok！」