超蓮好緊張間舖,所以經常都會係舖頭坐鎮!
有「最索千金」美譽的賭王三房千金何超蓮,她所開設的台灣牛肉麵不知不覺開業一周年,靚靚老闆娘透露下半年將會在九龍區開一間分店。
除了麵店開業一周年外,超蓮又做了姑媽,孖生弟弟猷啟囡囡Tittania都已經一歲,因為猷啟公開做了已為人父,替他保守秘密成年的超蓮終於可以出聲,一講起小侄女就停不下,「我哋都一直希望低調,希望侄女可以喺安靜環境長大,佢好可愛,白雪雪、鼻高眼大、手長腳長,我爸媽都高,細佬同我都係孖生,唔知點解我會矮啲?姪女細個都幾似我,依家又好似唔太似。」
現年27歲自超蓮單身了一段時間,但她說不急拍拖,擇偶條件亦好簡單,「性格要好、孝順、善良,最特別係手指要靚,最怕男仔有咬手指習慣。」
日前晚上,穿著白Tee加型格爛牛仔熱褲的超蓮現身銅鑼灣廣場附近,見她獨自上了一幢大廈,十多分鐘後便與兩名女友人落樓,再行十多分鐘到牛肉麵店,招呼朋友坐下後,超蓮就幫手落單,無幾耐再有一位朋友加入,三位客人加老闆又食又傾成粒鐘。
四女傾得好投契,本來紮髻的超蓮講到興奮時勁多表情,又突然拆走個髻,然後係咁笑非常開心,見她同朋友聯誼時都不時行出行入,雖然當日天氣不算太熱,但現場氣溫應該幾高,因為着熱褲的超蓮實在好Hot!