好心有好報
再有動物遭狠心遺棄！大埔一隻只有手掌般大的貓B慘被放入打結膠袋，再被棄草叢中，幸一名男街坊上班途中及時發現拯救。暖男將貓B帶回公司心照顧，並在facebook群組發帖怒斥棄貓者十分狠心。暖男又直言是「偷雞」帶返工，希望老闆體諒，否則只能請假，「抱得上身就要負責任！」
網民將貓B帶返回公司，放入紙盒中讓牠休息。網上圖片
男網民Dennis Lung在facebook群組「Tai Po 大埔」上載多張貓B照片，並稱「你好狠心呀！竟然放入膠袋，再掉佢入草叢，睇住收尾幾年呀！」照片所見，貓B只有手掌般大，樓主將貓B救起後，已帶牠向醫生求診，再帶回公司照顧。幸貓B除了出現少許低溫外，其他都很健康。
貓B只有手掌般大。網上圖片
樓主隨後更新貓B情況，指牠已吃了第二餐，但仍不肯上廁所，令他較為擔心。他又上載一張貓B黏着他睡的照片，說：「今朝差啲被衰人整死，而家仲要黐人瞓，多謝你還願意相信人，要快高長大呀。」
貓B獲救後，黏着救起牠的網民睡着。網上圖片
貓B逃過一劫，並獲暖心樓主收養。不少網民都感激樓主，「多謝你救咗貓貓，等佢嘅世界有返希望」、「好彩遇到你，好人有好報」；有人亦大讚樓主老闆很好人，允許他帶貓貓返工，不過樓主坦言是「偷雞」，若被老闆發現，「我會同佢講因為要長時間照顧，加上事出突然，希望佢體諒；如果公司堅持唔比帶，咁只好請假，唔批就離職，抱得上身就要負責任嘛」。
網上圖片
另有網民留言譴責棄貓者，「唔要都唔好咁樣做法，直頭係謀殺呀」，有網民亦慨嘆「喺大埔發生，都唔係第一次，感謝樓主細心，救咗BB一命！」
