黎瑞恩笑稱當年阿Sir、Madam好鍾意佢，成日叫佢去警署食飯，所以食咗好多餐『皇家飯』。
黎瑞恩（小恩子）早前被少年警訊爆相爆片，在1984年當年只得11歲的小恩子英勇地向警方舉報一宗街童潛入幼稚園縱火案，警方能夠及時通知消防員救火，避過一場火災慘劇並成功協助警方破案。翌年1985年小恩子獲警方頒贈「模範市民獎」（現稱好市民獎），成為當屆屯門區年紀最細的得獎者，當年獲獎時的小恩子紮住兩條孖辮穿上制服接受訪問，這條從未曝光之片段早前在警方舉行的好市獎頒獎典禮中首度出土，即時掀起哄動。
本月4日，少年警訊假灣仔警察總部舉行盛大「少年警訊周年大會2018」，小恩子應邀出席並獲頒發委任狀，擔任為「少年警訊大使」，警務處處長盧偉聰、保安局常任秘書長黎陳芷娟做主禮嘉賓，及逾400嘉賓一齊慶祝。當播出小恩子當年正氣澟然講出事發過足本訪問片段時，全場起哄及拍掌，場面十分熱鬧。同場獲委任為「少年警訊大使」還有《愛．回家之開心速遞》的「朱凌凌」吳偉豪、「金城安」周嘉洛和劍神張小倫。
資料圖片
黎瑞恩11歲助警方破案，翌年獲頒模範市民獎並受訪講述案情。
小恩子在當年訪問片段講述自己於1984年7月在屯門大興邨打羽毛球期間：「我見到有3名小朋友爬入幼稚園裏面，隔咗10分鐘後爬返出嚟，之後有一名小朋友話畀我知幼稚園火燭，我即刻跑過去見到有大量燶煙冒出，我立刻話畀街上的警察聽，後來消防車嚟到，好快就將火救熄，因為我認得呢3名小朋友，所以協助警方調查並將佢地拘捕。」
重看足本片段，小恩子笑笑口說：「當年我都參加過少年警訊，編號340661，所以對撲滅罪行特別有使命感，嗰時我志願係做警察，其實當時我都有少少驚，唔敢舉報佢哋，因為嗰啲人住喺我隔籬條巷，但啲警察上嚟盤問我，我就使命感上身，乜都講晒出嚟，我仲記得嗰啲阿Sir、Madam成日叫我嚟警署食飯，佢哋好鍾意我，所以我都食咗好多餐『皇家飯』。」
小恩子因為獲頒模範市民獎，獲得警方送贈700元獎金，小恩子表示媽咪把獎金買了一張新梳化，全家人一齊分享榮譽，並說：「其實見義勇係每位市民責任，希望人人都係好市民。」
資料圖片
資料圖片
