東主﹕「分10年還款⋯到時我都死左啦」。
資料圖片
香港百年老字號天壽堂藥行女總經理涉嫌挪用580萬元公款，為同一公司任職銷售經理的兒子買入天水圍慧景軒一個逾900呎的單位。藥行東主3年前以公司名義入稟，向兩母子追討物業和索償，案件今在高等法院續審。
辯方質疑藥行東主與兩名被告其實關係密切，更以「囝囝」稱呼涉案女經理的兒子，惟東主否認並指「我唔知佢叫咩名，先跟佢阿媽叫佢囝囝」。
吳國柱（男）否認與兩名被告關係密切。
兩母子被告分別是天壽堂藥行女總經理張寶靈及其兒子胡志安。天壽堂藥行第三代東主吳國柱今接受辯方律師盤問，吳指一名姓鄧的女士於2007年介紹首被告張寶靈予他，吳便聘請張在天壽堂工作。辯方指出吳為了張有更多動力工作，便承諾給予10%公司股份予張，惟吳否認。
辯方指吳曾要求張為他個人及公司購入的3個物業作按揭貸款擔保人，吳回應指：「我過左65歲，銀行要一個後生嘅人簽名，因為我唔識人，佢（張寶靈）就自願幫我做擔保人」。吳又指張寶靈「成日問公司借錢俾首期，佢講過好多次」，但他也只會回覆指：「好啦，等我諗下先啦」，皆因他個人亦需償還數個銀行按揭貸款。吳否認他曾承諾全數借出600萬予張購買兒子的新婚物業，亦否認張曾承諾於10年內分期償還，吳笑言：「10年⋯到時我都死左啦」。
在辯方律師盤問下，吳指：「我根本唔會肯借錢俾佢個仔（張寶靈的兒子胡志安），因為佢個仔根本無能力還錢⋯如果我真係肯借錢借佢（張寶靈），我都只會借錢俾佢幫個仔俾首期，係咁多」。