孖阿Sa合作見足成年 林峯笑言「對到嘔」

不過，林峯話阿Sa已經相識多年，所以都好開心！

由林峯、蔡卓妍（阿Sa）和方中信主演的網劇《PTU機動部隊》正於「黃Viu煲劇平台」熱播，林峯相隔五年再拍港劇未有生疏，拍得相當開心，又笑言與好友阿Sa經常合作「對到嘔」。此外，他更為劇集獻聲唱片尾曲！

林峯去年和阿Sa合作拍劇和新片，連食飯都一齊！

首次飾演着制服的PTU警員，林峯感到光榮：「因為裝備非常之重，尤其是我哋每日着住對boot，又好多追逐戲，拍完之後，令我更佩服佢哋！今次係一次好好嘅經驗，可以感受警務人員嘅日常辛苦；着起套制服，成個人仲挺過着古裝，好自然就會有一種責任感、正義感。

入行多年，林峯初次飾演穿著制服的警務人員。

「PTU」系列珠玉在前，作為演員的林峯認為毋須比較，劇組做過好多research，亦都得到PTU協助，希望做出一個真實而又有戲劇性嘅網劇，令觀眾產生共鳴。而他再為片尾曲《All We Need Is Time》獻聲，網友直呼懷念，大讚動聽。

阿Sa飾演林峯的上司何慧玲。

林峯與阿Sa劇中多對手戲，好有火花。

自電影《翡翠明珠》後，事隔八年再與阿Sa演情侶，林峯竟笑言「對到嘔」：「舊年可以話對住阿Sa對到嘔，因為舊年又同佢拍咗另一部電影，真係年頭對到年尾！其實又好開心，因為同阿Sa已經相識多年，私底下好熟、好有默契，每次同佢拍攝都好開心。」

《翡翠明珠》劇照

《翡翠明珠》劇照

林峯、劉俊謙、胡子彤同張文傑齊齊分享拍攝《九龍城寨之圍城》期間的趣事和感受。

ViuTV節目《周六食花生》逢星期六晚上8時30分播放。節目由陳俞希（Hailey）、李禹燊（Oscar）和黃汛一（Jake）擔任主持，每週請來不同嘉賓介紹新作及暢談近況。同場亦會請來幾位敢言、有特色的「花生友」一起探討與嘉賓相關的生活話題。明晚（4月27日）播出的一集，邀請到《九龍城寨之圍城》的團隊，包括林峯、劉俊謙、胡子彤同張文傑擔任嘉賓，分享拍攝期間的趣事和感受。

今集嘉賓邀得《九龍城寨之圍城》演員作分享。

今次戲中有大量打鬥場面，林峯自爆受傷驚險事：「有個動作係要S字形走位，之後去檢查嗰陣先發現原來十字韌帶斷咗一半。仲有次試戲嗰陣，係二樓同武師對打。個情景就係佢要向我進攻，我就要向後退。點知，我就唔小心差錯腳，就由二樓跌咗落一樓。好彩下面有一堆道具墊住，就無點受到傷。最唔抵係當時未roll機，無拍到。」而劉俊謙就分享指拍攝期間，就不小心被電單車死氣喉燙傷小腿；而胡子彤則意外被踢傷下巴，需縫14針。

劉俊謙

劉俊謙拍攝期間不小心被電單車死氣喉燙傷。

胡子彤分享意外被踢傷下巴的經歷。

談及對彼此的印象，劉俊謙笑言小時候是看《尋秦記》長大，所以林峯是陪自己成長的一個大哥哥，並指其十分溫柔和細心：「佢知道我非常喜歡金莎。有日拍到好攰，佢就遞咗盒金莎送俾我。個刻真係覺得，個盒金莎係我嘅所有。」被問及下次4位兄弟合作會想拍甚麼題材，林峯笑言想拍一齊拍BL四角戀，令在場所有人都哭笑不得。

林峯盼開BL戲大玩四角戀。

林峯盼開BL戲大玩四角戀。

林峯獲劉俊謙讚溫柔細心。