*

姚子羚火速解畫 唔想深究相片如何流出

姚子羚否認介入別人婚姻。

38歲姚子羚去年3月跟富貴男友「的士邦」鄭子邦分手後,一直未有公開新戀情,但今日有報道指她與Dragon-i已婚董事Raymond Young秘密拍拖,又與對方妻子蔡宛珊(Saraki)有交往,被質疑「搶人老公」。報道一出,姚子羚傍晚電視城現身火速拆彈,她接受承認與Raymond拍拖,但就否認搶人老公。

姚子羚傍晚在電視城火速解畫 (東星圖片)

姚子羚等待傳媒拍照及預備後,冷靜地說:「首先我想講,我認識Raymond,同佢交往時,佢同Sarika已經分咗手,現時為止分開兩年,我同Sarika係相識,細節唔想講。」被問及有沒介入別人婚姻,她澄清:「我同佢相識時,佢哋已分開,分咗手一段時間,實質幾耐唔想再提及。」

姚子羚傍晚在電視城火速解畫 (東星圖片)

至於今次相片流出,有冇懷疑任何人,姚子羚坦言,「有,但目前唔想深究如何流出,只是感到驚訝,為何兩個人照片外間流出,但冇去諗點解。」被問到床照有多少人擁有,姚子羚說:「床照係我唔知。如何有一些好過份行為,我會同公司商量,如何處理。」又指出兩人是朋友關係。

姚子羚傍晚在電視城火速解畫 (東星圖片)

被問及是否遇人不熟?她說:「我要講的都講克了。」會否擔心有更激相或短片流出?她再三強調「最緊要想澄清,我同Raymond相識時,佢同Sarika已分開。」

被問及工作會否有影響?她說:目前一刻專心工作,其他嘢唔重要。」「冇收到任何通知。」「亦都會放底,我對感情好認真。」再被問,有否跟Raymond聯絡?她坦言:「就呢件事上面有。」

姚子羚被爆跟模特兒蔡宛珊老公Raymond交往。(網上圖片)

Raymond有冇同你道歉?她說:「你要問番當事人。」