恭喜馬仔！
馬浚偉（馬仔）首部電影作品《生前約死後》已完成拍攝，身為出品人兼製作人的馬仔於前晚設煞科宴，慰勞幕前幕後全體人員，筵開6席，席間馬仔更派大利是，人人有份皆大歡喜。
身為出品人兼製作人的馬浚偉於前晚設煞科宴，慰勞幕前幕後全體人員。
自編自導自演之外更要兼顧全局，馬仔坦言整個過程既艱辛但又開心，「好像發了一場夢，想不到一轉眼便完成拍攝，我是電影初哥，首次做導演，面對挑戰實在很大，而我對自己要求極嚴，對工作人員要求也極高，樣樣講求速度、質素，絶不能粗製濫造，慶幸我找到的團隊專業又出色，大部分都是好朋友，全力支持投入，無論哪一個部位皆能完美配合，令影片能夠預期完成拍攝。」
顧美華已簽馬浚偉為經理人。
由舞台劇到電影，演員方面亦有些變動，加入不少新面孔，馬仔說：「當中不乏大家未必認識的素人，但他們都有一定的演出經驗，絕對稱職，好像余香凝是影圈新秀，清新可喜，黃釗鑫是我非常欣賞的舞台劇演員，黃定謙是新人，很年輕，條件很好；演父親的凌曉華本身是模特兒，在畫面甚有新鮮感！當然更感謝我阿媽顧美華，從無計較、無私付出、全力支持，相處日久，感覺自己又有一個可親可愛的阿媽了。美華姐的戲實在精彩，操控情緒、眼神表達，已臻無懈可擊，一句話，國際級影后呀！」
余香凝感謝馬浚偉賞識賦與重任。
而顧美華已簽馬浚偉為經理人，她對這個「兒子」的雄心和拼搏佩服得很，笑言只要能力所及，必作全面配合，能參與舞台和電影兩個不同範疇演出，是榮幸也是挑戰，證明自己仍有能力，稍後返美休息兩個月，再回港做宣傳，明年將為馬仔拍兩部電影。
顧美華已簽馬浚偉為經理人。
余香凝亦感謝馬仔賞識賦與重任，佩服他的毅力和魄力，首次執導已顯現強勁能力，「看得出他做足充分功課，一切在掌握之中，他有一本簿仔，記錄所有拍攝程序及各部門分工，一埋位便即開機，一分鐘也不會浪費，甚至可以提早收工。更難得是他很照顧演員感受，拍情緒戲時教足戲排好位，掌握得宜一take過，減輕演員負擔，聞説馬生明年又開戲，希望他再找我啦！」
《新城體育會》再出動打羽毛球！
《新城體育會》昨日（4月24日）舉辦了第三次羽毛球活動，新城廣播有限公司首席營運總監馬浚偉帶領「新城羽毛球隊」，邀請歌手郭偉亮（Eric Kwok）、黎展峯（Andy）及龔柯允（Karen）齊齊打羽毛球揮灑汗水，而新城知訊台台長程凱欣亦首次落場，獲得馬浚偉大讚台長：「打得好好喎！」台長更貼心地一直陪著自嘲來執波的龔柯允打波，馬浚偉更鼓勵Karen：「肯出嚟做運動，出身汗，已經好好啦！」
《新城體育會》昨日（4月24日）再出動打羽毛球。
郭偉亮打波反應快 但自言冇乜耐性
眾所周知Eric Kwok熱愛滑雪，但他其實同樣熱愛羽毛球，Eric Kwok表示：「我個幾禮拜就會打一次羽毛球，都打咗十幾年，啱啱返香港時成日同趙增熹一齊打，嗰時操得好勁，一星期打兩三次，又有教練教，但自從做咗XiX經理人之後就冇再打。」他解釋因之前打羽毛球拉傷膊頭，故休息了兩個月沒再打。
今次是Eric Kwok相隔十年再跟馬浚偉打羽毛球，他憶述：「我記得大概係十年前，有個唔知咩比賽同馬生打過一次，印象中佢打得好好，佢又高，有晒打羽毛球的身形。」問Eric Kwok有甚麼絕招？他笑言：「絕招就係好快打完，我冇乜耐力，但反應快，始終都係要練習。」
Eric Kwok同陳奕迅（Eason）老友鬼鬼，二人亦經常相約打波，他表示：「佢本身係打網球，我有一排都同佢打羽毛球，佢都打得好好。（邊個勁啲？）網球佢勁我好多，因為佢主力打網球，羽毛球我打得耐過佢，有時會教佢，但最主要我哋玩雙打好開心，我哋好夾、好有默契，又唔會爭波打，唔會在乎輸贏，同佢打波好開心，佢成日笑。」
黎展峯小時候獲任職羽毛球教練外公教授羽毛球技。
嬌小龔柯允原來是籃球健將，馬浚偉承諾稍後安排打籃球。
黎展峯靠做運動減壓 最近學耕田
黎展峯（Andy）球技似模似樣，他透露小時候獲任職羽毛球教練的外公教他打羽毛球，所以自小已打羽毛球，他笑言：「我身高183cm，係高度取勝，唔打得都睇得，但技術要再鍛鍊，平時都會約同公司的歌手黃明德打籃球，當自己有壓力或者想抒發吓就會做運動。」而近日他更一嘗耕田滋味：「我朋友有個地方自己種菜，唔係玩盆栽仔嗰啲，真係有塊田要除草、翻土，成件事身心都好健康，本來以為好易，但原來要用晒成身，仲辛苦過跑步。」
龔柯允自嘲來執波 興奮獲馬浚偉承諾安排打籃球
至於龔柯允（Karen）則自嘲是來「執波」，她稱：「我係鄉下式打法，完全冇技巧可言，所以過嚟執波，或者搵Eric sir教我。」不過身形嬌小的龔柯允，原來是籃球校隊，她笑稱：「如果唔打會更加矮，同埋因為高度問題，冇辦法落場，雖然爸爸係籃球會主席，但佢唔會因為咁偏心我，反而自己會游水、跑步、踩單車，練吓肺活量，對唱歌好有幫助。」馬浚偉並向她許下諾言，稍後安排打籃球，Karen聽到後，十分興奮表示一定報名出席！
郭偉亮自爆打波絕招……就是……好快打完！
馬浚偉與郭偉亮、黎展峯、教練Arthur玩雙打。
