老翁不斷稱「以後唔敢喇！」
深水埗執一名老翁疑因非法擺賣遭食環署票控，期間他跪地求饒20分鐘，不斷稱「以後唔敢喇！」。立法會議員鄭松泰事後在社交網站分享有關影片，形容這是深水埗的常態，引發網民熱議。
鄭松泰FB圖片
鄭松泰於Facebook專頁上載一段短片，指昨日下午近5時，一名老翁在汝州街及桂林街一帶擺地攤，期間有食環署職員到場執法，要求他收起物品及作出票控，「阿伯在現場足足跪求20幾分鐘，希望阿sir可以放佢一馬，結果被強行拖走、被警察送上白車」。他續說，現場有人指老翁阻街犯法，但亦有更多人求情，籲職員放過老人家，給予對方一次機會，「這是深水埗的常態，好多香港人只係想要一次機會，可以安居樂業的機會」。
鄭松泰FB圖片
根據影片中可見，老翁跪地上不斷說「以後我唔敢喇！」，數名食環人員則分別在旁扶著及拉著老翁，其中一名小販管理主任勸說「小心整親，點都要等差人嚟，你都要聽差人講，所有嘢都要等差人來處理，唔係淨係咁可以處理到，對唔住喇真係，我哋會同差人溝通」。而現場有大批市民圍觀，期間有人疑看不過眼，大聲斥「佢又唔係打你哋，唔使拖啦，陣間你扭親佢手腳呀！」，而食環人員則回應稱「我抆住佢咋」。
網上圖片
影片引起不少網民熱論，有人留言稱「去上水處理水貨客吧」、「希望公平執法，在處理上水走私犯問題時也要有這份堅持！」、「人哋正正經經做小生意就要拉、大媽阻街賣淫就唔拉！」、「重點係選擇性執法，而唔係恰阿伯，阿伯犯法的確係要拉的」。
鄭松泰FB圖片
