有洋蔥！
37歲的張頴康早年也曾受訪自爆身世，講述尋母30年的傷感故事。昨晚播出的綜藝節目《如果這樣生活》，阿康親身在鏡頭前細說當日沒跟母親走事件，忍不住飆淚，觀眾都被他感動。
點擊看圖輯
張頴康憶述當日只得4歲，就要揀跟阿爸定阿媽。（網上片段截圖）
（網上片段截圖）
（網上片段截圖）
（網上片段截圖）
阿康現在有個幸福家庭。（網上圖片）
張頴康憶述當日只得4歲，就要揀跟阿爸定阿媽。（網上片段截圖）
節目一開始，阿康自白說：「嗰一年我4歲，我要揀跟阿爸定跟阿媽，但其實我冇得揀，因為只有阿嫲會留喺我身邊」。阿康說一出世就跟住嫲嫲住在彩雲邨，每日嫲嫲帶住他，每星期一日父母才回來帶他出去食飯見面，「咁4歲嗰年......（哽咽）有一日，我知佢兩個嗌交，我阿媽拖住我離開嗰間房，喺廳度拉住我問我，佢叫我跟佢走，我當時冇跟佢走，我話：『唔得，我要跟住阿爸』，因為我知跟住阿爸就可以返去阿嫲度，我唔知道呢次一鬆開手，喺30幾年再冇見過佢。如果有機會俾我揀多次，我打死都唔會放手！」然後他說公司曾經要求他改藝名，但他堅持想用「張頴康」這名字，就是想母親認回他，說：「佢離開咗咁多年，我就等咗咁多年，希望有一日會等到。」
（網上片段截圖）
因為有這樣的童年，阿康年紀輕輕已非常懂事，他回憶說從小到大玩具對他都不重要，只因5歲時他叫過嫲嫲給他買玩具，但從此沒叫再買。他說：「因想有錢都留返阿嫲自己使，玩具同阿嫲相比，阿嫲更加重要，有佢嘅愛，有佢陪住我。」阿康說嫲嫲很愛錫他，為了陪他，不識字的嫲嫲每日就在寫自己的名字，目的是不想他一個人做功課，至此他又再忍不住哽咽。
（網上片段截圖）
阿康與太太麥雅緻育有5歲大女小豆和1歲囝囝小花生，在大女出世前他都不會慶祝生日；他說囝囝出世後，他終於感受到一家人整整齊齊簡單生活有多美好。昨晚節目播出後，太太在facebook留言：「今晚呢集你哋有冇睇啊？我哋一齊睇，一齊眼濕濕⋯ 好催淚⋯ 小豆其實未完全明白，佢見到爸爸流淚，佢就有啲擔心⋯ 佢知道爸爸小時候，就係由嫲嫲照顧嘅⋯ 小豆同爸爸講，你嫲嫲去咗個moon度嘛⋯ 你之後都會去個moon 度，咪可以見返佢囉⋯ （佢講起上嚟眼神好堅定，並不傷感⋯ ）對佢來講最重要就係爸爸唔好喊，唔好唔開心。我相信有小豆呢粒開心果，爸爸嘅內心⋯早已修補過來！」
（網上片段截圖）
阿康現在有個幸福家庭。（網上圖片）
