8月開處女棟篤笑 66歲盧宛茵先搵愛女歎酒再扮靚

輕輕鬆鬆又過一日～

入行50年的甘草演員盧宛茵（Madam Lo），日前開記者會宣布將於8月中在麥花臣舉行處女騷《盧師動眾Madam Show棟篤笑》，並正式為「飾演最多男藝人的母親」項目申請健力士世界紀錄，因為被譽為「TVB御用媽咪」的她最少有70多位「兒子」，連古天樂、周星馳、鄭嘉穎等都演過她的兒子。

盧宛茵為8月騷影咗多款扮嘢相，車手look型嗎？

盧宛茵舉行首個棟篤笑騷，「阿仔」楊明(右)大力支持。

盧宛茵早前亮相《流行經典50年》唱英文歌，網友大讚卧虎藏龍呀！

日前傍晚，頭髮斑白但絕對是愛靚之人的Madam Lo，搽上鮮紅色唇膏現身銅鑼灣一商場。見她在首飾店選手鏈、頸鏈等，買完首飾後，急步行向附近酒店，上了間餐廳搵吧位坐下。未幾，餅印愛女前來會合。Madam Lo即叫了杯紅酒，愛女就飲白酒，兩母女happy hour後再撐枱腳食飯，非常開心。

Madam Lo會合阿女前，去咗買戒指、手鏈等。

兩母女飲酒傾偈，Madam Lo個樣一臉滿足。

Madam Lo早年離婚後，獨力湊大兩子一女，兩個仔結晒婚有小朋友，33歲愛女未婚跟佢住。

另一日傍晚，Madam Lo轉行金鐘太古廣場買鞋，見她在店內選了對黑色和金色平底鞋，試了15分鐘，終選了金色，然後付款，但她仍未離開，反而和店員有講有笑，坐在沙發慢慢吹水。半小時後，有位短髮太太來找Madam Lo，陪女友人選多對鞋，兩女才結伴離開。

Madam Lo試鞋都搞鬼過人。

買完鞋，等埋朋友就走人。

由李思捷主持及監製的《施巴pH 5.5潔膚浴露呈獻：思家大戰》第三季逢周日晚8時30分翡翠台播映。6月18日播出一集，有黃智雯率領的「隱門」隊，成員包括湯洛雯、吳岱融、盧宛茵和阮浩棕，對戰由家庭觀眾「鍾定英」劉嘉莉率領的「hkliondance」隊，成員包括「李若智」薛嘉如、「史勿心」成嘉瑩、「馬尚楓」周柏穎和「廖雨辰」張嘉琪。

今集氣氛繼續熱鬧。

「隱門」隊成員黃智雯（左起）、湯洛雯、吳岱融、盧宛茵和阮浩棕。

「hkliondance」隊「鍾定英」劉嘉莉（右起）、「李若智」薛嘉如、「史勿心」成嘉瑩、「馬尚楓」周柏穎和「廖雨辰」張嘉琪。

今集一開始氣氛已相當熾熱，在熱播劇《隱門》中飾演賊王葉嘯天的岱融哥，應思捷要求大騷演技，分別晒出「奸到出汁」和「奸得嚟有原因」的樣子，贏盡全場掌聲。飾演惡奶奶的盧宛茵則自言劇中是雙面人，隨即晒出「開心的笑容」和「唔妥新抱的笑容」，畫面過癮。飾演乖細佬的阮浩棕則預告劇情，大賣關子謂：「我都係葉嘯天個仔嚟，我會唔會乖到尾？大家自己睇啦！」

惡奶奶盧宛茵大晒演技。

岱融哥化身賊王葉嘯天晒奸樣。

阮浩棕預告喺《隱門》入面會有變化？

至於由一班後生女組成的「hkliondance」隊，人仔細細的她們原來是舞獅高手，更即場表演舞獅，場面熱鬧。值得留意的是，「hkliondance」隊的成員花名其實源自節目《今晚睇李》中的趣劇「思文敗類」，相關趣劇將人名gag玩到淋漓盡致，非常有心思。

「hkliondance」隊表演舞獅，而且是全女班，勁呀！

「hkliondance」隊成員嘅花名其實來自《今晚睇李》入面嘅短劇「思文敗類」。

「hkliondance」隊成員嘅花名其實來自《今晚睇李》入面嘅短劇「思文敗類」。

「hkliondance」隊成員嘅花名其實來自《今晚睇李》入面嘅短劇「思文敗類」。

「hkliondance」隊成員嘅花名其實來自《今晚睇李》入面嘅短劇「思文敗類」。

「hkliondance」隊成員嘅花名其實來自《今晚睇李》入面嘅短劇「思文敗類」。

嗰集區瑞強都有份客串。

仲有單立文，相當有心思。

今集遊戲環節同樣搞笑，其中一條問題「筍盤男結婚封盤，係因為個女仔乜嘢呢？」，當中有人答「大咗肚要埋單」，思捷即鬼馬地問快做人妻的靚湯：「你係唔係呀？」，靚湯反應竟是害羞遮面，非常可愛。輪到靚湯答這條題目時，她先先說：「女仔迫婚」，但事後卻強調自己沒有：「但我唔做呢啲嘢㗎，唔信你問佢（馬國明）喇！」隊長黃智雯今集表現亦相當精靈，多番成功執雞打救「隱門」隊，想知道他們最終能否殺入「終極開口中」？密切留意周日晚播出的《思家大戰》。

阮浩棕預告喺《隱門》入面會有變化？

靚湯話自己唔會迫婚。

黃智雯多次執雞成功，表現精靈。