幸福的少奶奶~
昔日是導演杜琪峰（杜Sir）愛將的黃卓玲（Ruby），拍過多齣對方執導的電影。杜Sir出名拍戲剛陽味重，好似《PTU》，Ruby就飾演女Madam；而《十萬火急》裏面，她飾演女消防員，硬朗得來都好入型入格。不過，自從2005年嫁給做生意的老公之後，她就退出娛樂圈，專心相夫教子。
做咗少奶奶嘅Ruby，愈來愈心廣體胖；之不過，佢睇嚟一啲都唔怕肥，仲好開心興奮咁去到甜品店買嘢食。
Model出身，之後有「杜琪峰愛將」之稱嘅佢， 演《PTU》裏面嘅硬朗Madam，入型入格。
早前，《東周刊》在中環ifc商場巧遇Ruby，穿着紫紅色運動套裝的她，孭住個購物紙袋，似剛剛shopping完。之後，她行去一間甜品店，狀甚興奮，好似大細路一樣同店員order食物，然後外賣拿走。現場所見，她近來心廣體胖，身形圓潤了不少；應該是做了少奶奶，實在太幸福，所以既開心又食得。不過，最緊要是老公不介意她肥了，一樣愛賜她，這就叫「幸福肥」啊！
買咗女人最喜歡嘅甜品之後，Ruby好似非常滿足咁，笑住咁離開。
着晒成身運動裝嘅佢，睇到身形圓潤咗唔少，乍現咗少少水桶腰。
更多娛樂消息，請看東周網：https://eastweek.my-magazine.me/main/entertainment