劉俊謙慶幸遇到良師益友 不時搵「老竇」子華取經

Terrance 很感激子華不時和他分享自己的經驗。

劉俊謙（Terrance）最近在ViuTV劇集《教束》中首演教師，他首次跟前輩廖啟智和陳秀雯合作，令他獲益良多；而為了劇集他做不少資料搜集，先知道教師的現實生活同劇情一樣好多權鬥。Terrance更透露私底下亦有良師益友，就是在舞台劇《前度》演他父親的黃子華，他會不時向「老竇」取經。

Terrance坦承跟子華合作演舞台劇《前度》，成為他演藝事業轉捩點。

Terrance自認好宅，Dry了3年冇拍拖，坦承靠演戲重溫拍拖感覺。

Terrance劇中飾演教師「盧文達」，是個不太得學生歡心的中文科老師，最後更成為校長廖啟智和副校長陳秀雯權鬥磨心。他坦承以往只覺得老師工作好悶，「不過我拍之前做完資料搜集後，先覺得學校啲權鬥同好多公司一樣咁厲害，同劇集內容都幾似。」
前輩身上學嘢

戲中學生見Terrance拍照，即主動衝過來合照，搞到他勁無奈。

剛剛30歲的Terrance，雖然唔算老，但面對一班演其學生的演員，忽然覺得自己老了，「佢哋有啲真係仲讀緊中學，拍攝休息時仲好有精力玩，但好彩同佢哋冇代溝，大家相處得好開心。」至於首次跟廖啟智和陳秀雯，他大讚前輩厲害，「佢哋每次演出都好精準，真係好少會NG，仲要好nice問我點樣演，佢哋再配合，真係學到好多嘢。」

好明顯，「盧Sir」在劇中無咁受歡迎。

談到現實中的良師益友，Terrance首選3年前合作舞台劇《前度》的子華，「我哋有Keep住聯絡，間中都會約食飯，我遇到咩困難佢都會係個好好嘅聆聽者，雖然佢唔會教我點做，但係會分享佢自己經驗畀我聽，係個難得嘅前輩嚟。」

教中文的「盧Sir」，在學校完全搵不到滿足感。

跟前輩陳秀雯，起初Terrance都好緊張，但對方全冇架子令他放下心頭大石。

林峯、劉俊謙、胡子彤同張文傑齊齊分享拍攝《九龍城寨之圍城》期間的趣事和感受。

ViuTV節目《周六食花生》逢星期六晚上8時30分播放。節目由陳俞希（Hailey）、李禹燊（Oscar）和黃汛一（Jake）擔任主持，每週請來不同嘉賓介紹新作及暢談近況。同場亦會請來幾位敢言、有特色的「花生友」一起探討與嘉賓相關的生活話題。明晚（4月27日）播出的一集，邀請到《九龍城寨之圍城》的團隊，包括林峯、劉俊謙、胡子彤同張文傑擔任嘉賓，分享拍攝期間的趣事和感受。

今集嘉賓邀得《九龍城寨之圍城》演員作分享。

今次戲中有大量打鬥場面，林峯自爆受傷驚險事：「有個動作係要S字形走位，之後去檢查嗰陣先發現原來十字韌帶斷咗一半。仲有次試戲嗰陣，係二樓同武師對打。個情景就係佢要向我進攻，我就要向後退。點知，我就唔小心差錯腳，就由二樓跌咗落一樓。好彩下面有一堆道具墊住，就無點受到傷。最唔抵係當時未roll機，無拍到。」而劉俊謙就分享指拍攝期間，就不小心被電單車死氣喉燙傷小腿；而胡子彤則意外被踢傷下巴，需縫14針。

劉俊謙

劉俊謙拍攝期間不小心被電單車死氣喉燙傷。

胡子彤分享意外被踢傷下巴的經歷。

談及對彼此的印象，劉俊謙笑言小時候是看《尋秦記》長大，所以林峯是陪自己成長的一個大哥哥，並指其十分溫柔和細心：「佢知道我非常喜歡金莎。有日拍到好攰，佢就遞咗盒金莎送俾我。個刻真係覺得，個盒金莎係我嘅所有。」被問及下次4位兄弟合作會想拍甚麼題材，林峯笑言想拍一齊拍BL四角戀，令在場所有人都哭笑不得。

林峯盼開BL戲大玩四角戀。

林峯盼開BL戲大玩四角戀。

林峯獲劉俊謙讚溫柔細心。