唐明=唐詩詠+馬國明？馬明：其實係監製好喜歡

不過，好多網民都想馬明與詩穎這對「兄妹」真升呢做「情侶」～

TVB劇集《白色強人》進入結局篇，「唐明」馬國明與前妻「蘇怡」唐詩穎復婚在望；唐明又將主刀「洛雯」李佳芯心臟腫瘤術。馬明與詩穎這對「兄妹」升呢做「夫妻」，最初觀眾都接受不了，但隨着投入劇情，現在更希望二人現實生活中真的由「兄妹」變情侶，甚至有網民認為劇情最好發展到蘇怡出事故，將心臟移植給洛雯，唐明就可以同一時間擁有蘇怡與洛雯。

馬明與「余湛琛醫生」蔣志光及「何醫生Hugo」韋家雄昨晚（6日）受訪《東張西望》節目，唐明特別解答網民的留言。其中有指「唐明＝唐詩詠＋馬國明」，馬明就爆料：「其實明呢個名，係我哋監製（羅永賢）好喜歡的，舊時的作品已經有男主角叫唐明，好多年前已經有這個明，所以絕對唔係唐詩詠＋馬明。」

不過，主持不死心，再謂是否一個預言？馬明只好答：「咁呢個就唔知啦！」節目亦公開，早在2002年《烈火雄心II》中，方中信就是飾演唐明。馬明還解答了「有一種愛就如唐明」：「如果真係情侶咁係好正常，因為結婚誓詞話『無論疾病甚麼甚麼，都會陪喺佢身邊』」。

對於攞硬視帝，馬明表示：「呢個隨緣，其實我都係睇好郭晉安，目前TVB紀䤸佢係三屆視帝，如果安仔攞埋就四屆。」不過，蔣志光謂如劇中余湛琛一樣：「唐明，我呢一票係你」。

另外。馬明又證女醫生是可以穿高踭鞋，只有在急症室是不可以；及手術是可以講電話，劇情沒亂來。

靚湯心痛愛貓！

湯洛雯（靚湯）與馬國明結婚後，雖然二人未生小朋友，不過他們當一對愛貓Tino同Ariel是心肝寶貝一樣，十分疼愛。昨晚（3月19日）靚湯在IG上載其中一隻愛貓打完疫苗後出現異常反應，令她非常擔心，心痛到眼淚狂飆，還提醒大家帶毛孩去打疫苗時，一定要小心觀察打完之後的反應。

湯洛雯與馬國明當兩隻愛貓是心肝寶貝一樣。

愛貓打完疫苗後出異常反應。

靚湯說：「大家帶毛孩去打疫苗時候，一定要小心觀察打完之後嘅反應！今日帶大仔去打疫苗，以前打都冇事最多係攰啲，但係今日返到屋企，見佢一開始少少肚痾，跟住鼻哥好紅，再見到佢眼腫晒，之後呼吸極快，我真係嚇到癲咗即刻帶返佢去診所，打抗敏針同止嘔針，瞓氧氣箱，個心痛到啲眼淚狂飆。」她續指幸好半小時後情況舒緩「依家帶咗返屋企，好攰好攰，係咁瞓覺，都放心返啲醫生話極少數會有咁嘅反應，不過咁啱就係嗰個極少數佢仲話好彩我哋快帶佢去，如果唔係後果都有危險…………大家有冇試過啲咁嘅情況？」

靚湯心痛得狂飆淚！

隨後，靚湯感謝大家的留言，並指愛貓情況已穩定：「多謝大家嘅留言，原來大家都試過有咁嘅情況，真係好恐怖，第時都真係要考慮係咪真係要繼續打，太驚嚇。Update返，見佢睡姿回復正常，應該舒服返好多。」

靚湯叫大家帶毛孩打完疫苗後， 一定要留意牠們情況。

指愛貓情況已穩定。