首做女一又做老闆 Yanny@SG拼事業唔嫁住

Yanny話拍第一場戲就被盧海鵬的氣勢嚇到腳震。

組合Super Girls（SG）成員陳穎欣（Yanny）首當女一的ViuTV新劇《仇老爺爺》的首播日，與她跟朋友合資開設的東南亞菜餐廳開幕日是同一日，Yanny講起都好興奮，尤其可以跟前輩盧海鵬合作，Yanny自言超欣賞他：「不過鵬哥只係提示過我走位，冇向我『試咪』，而自導自演自監嘅游學修因為經驗唔夠，都有俾鵬哥話過！」

陳穎欣希望在娛樂圈努力闖出一片天，未打算跟音樂人男友陳考威（Gareth）結婚。

陳穎欣同余香凝及廖子妤，都是古仔旗下電影公司的女藝人。

日前陳穎欣現身餐廳同員工打氣，還坐埋職工飯枱一齊用膳，有講有笑打成一片，她笑言：「佢哋都幾好伙食，有雞翼、蝦餅、靚湯等，我功能性好低，乜都唔識，連沖飲品都要即學打天才波。大股東係Jessica（蔡明思）老公嘅好朋友，大家理念同價值觀好相似，所以一拍即合。因為我喺飲食界係一張白紙，會用謙卑心態學習，亦唔怕同合作夥伴因財失義，連朋友都冇埋。」 

老闆娘陳穎欣去餐廳逐一認識員工。

對於29歲做老闆，Yanny不會認叻，坦言投資六位數只是小股東，但她卻笑說：「我成副身家放晒落去，所以唔會離隊（SG），而且啱啱簽咗古天樂旗下電影公司，幕前係我正職，做飲食當打多份工幫補吓。」

自稱「飲食業白紙」的Yanny，即場學沖凍飲。

Yanny在新劇《仇老爺爺》中演游學修女朋友，鵬哥是游學修爺爺，劇集講兩代人的溝通：「因為我同鵬哥嘅戲比較輕鬆簡單，唔易辣㷫佢，鵬哥只係提示過我走位，冇向我『試咪』，但就問過游學修：『點解仲未搞掂呀？』游學修第一次自導自演未必達到鵬哥要求，鵬哥想做好啲啫，佢唔會無啦啦鬧你嘅。」問到跟鵬哥合作的感覺，Yanny話：「拍第一場戲真係俾佢氣勢嚇窒，驚到腳震，其實鏡頭後嘅鵬哥好親切。」

游學修視劇中女友Yanny為女神，因為願意陪男友做好多貼地的事。

Yanny對鵬哥讚不絕口，覺得跟他拍戲好有爺孫感覺。

立法會議員陳穎欣引述有意見指「電影發展基金」資助項目涉嫌有「軟對抗」、負能量情節，缺少「說好香港故事」、「說好中國故事」元素。陳穎欣關注「電影發展基金」資助項目撥款的審批機制，有無審核電影內容、電影創作者的言行。

文化體育及旅遊局在回覆立法會特別財委會的文件提到，過去五年基金資助的電影，很多內容都有多方面訊息，不同人可能有不同看法和感受。

基金沒有規限申請項目的內容，以鼓勵創作，但必須符合基金的不同計劃內所有申請資格且不違法，包括《維護國家安全條例》及特區維護國家安全法，而項目內容不代表政府立場。

局方又指，審批項目時考慮的因素包括電影計劃的劇本創意及質素、製作預算、預算收入及本地製作元素和人才培訓等。