果然係持家有道!
人稱「家燕媽媽」的薛家燕,育有兩女一子,全部都已長大成人,囝囝石耀庭早前仲結婚成家立室,家燕姐榮升做奶奶,飲完杯新抱茶之後,當然心急等抱孫。難得,佢幕前演出咁繁忙,都仲持家有道,絕對係個稱職的慈母。
向來成個開心果嘅家燕姐,買麵包畀仔女時,都不自覺咁會心微笑。東周圖片
眼明手快嘅家燕姐,打開麵包櫃揀咗幾個大麥包;而身旁嘅外傭,就拎定餐盤stand by。東周圖片
據《東周刊》報道,早前下午約五點,家燕姐同外傭在圓方商場一間麵包西餅店,眼明手快揀咗兩個大麥包,再挾給捧住個餐盤喺度stand by嘅外傭。之後,再由外傭負責排隊等埋單,而家燕姐就施施然睇吓雪櫃的西餅蛋糕。睇得出,家燕姐確係賢良淑德,「廿四孝」到親身買埋麵包,幫啲仔女預備第二朝的早餐。好彩身邊有個外傭貼身侍候,家務瑣事先幫輕唔少咋!
趁外傭排隊等畀錢期間,家燕姐再睇下有乜西餅蛋糕啱仔女口味。東周圖片
網上圖片
更多娛樂消息,請看東周網:http://eastweek.my-magazine.me/main/entertainment
李琳琳與愛妻號老公姜大衛好sweet sweet!
李琳琳今日(5月4日)現身新城廣播接受薛家燕、范振鋒、思敏主持的《開心大派對》節目訪問,天文台雖然發出紅雨警告,但琳琳姐非常專業風雨不改,依時現身接受訪問,細心的家燕姐初時十分擔心天雨,打算派司機接送李琳琳,但琳琳姐的愛妻號老公姜大衛(John哥)親自開車接送太太,令到三位節目主持家燕姐、范振鋒及思敏十分感動,大讚琳琳姐與John十分幸福甜蜜,而新城廣播總經理(節目規劃及頻道運作)朱子昭更特別在紅雨中探班為大家打氣。
李琳琳現身新城廣播接受《開心大派對》節目訪問。
左起:思敏、薛家燕、李琳琳、范振鋒
新城廣播總經理(節目規劃及頻道運作)朱子昭(左)特別在紅雨中探班,為李琳琳、家燕姐打氣。
琳琳姐獲愛妻號老公姜大衛親自開車接送。
家燕姐在節目中恭喜琳琳姐有份演出的新片《從今以後》奪柏林影展泰迪熊獎,琳琳姐即讚該片導演楊曜愷:「導演花了好多心思,好多部門都好到位,實至名歸!」家燕姐與范振鋒、思敏三位主持跟琳琳姐在節目再談到《從》片探討女同志伴侶權益問題,琳琳姐亦有感而發:「呢部戲想帶出訊息,要及時行樂,人生無常。」對於香港同性戀仍未合法化,琳琳姐指同性戀者為對方付出好多愛,但暫時在法律上仍沒保障。
家燕姐恭喜琳琳姐有份演出的新片《從今以後》奪柏林影展泰迪熊獎。
琳琳姐指《從今以後》想帶出訊息,要及時行樂,人生無常。
已有三十多年沒演戲的琳琳姐在節目中表示初時接拍《從今以後》,很擔心太久沒演戲,好驚演技不適合現今年代,笑言:「我反而在片中似新人,另一位新人就是黑妹姐,哈哈!」琳琳姐並大讚片中年青演員好專業:「片中所有年青演員令我學習到專業,以前同依家的器材完全不同啦,以前拍戲,轉燈轉景都要等好耐,我們等埋位時會嘻嘻哈哈,如今器材先進了,年青一代等埋位時說話也會細細聲,不會影響進度,很欣賞。」家燕姐更大爆與琳琳姐兩人以前在年青年代愛蒲夜總會跳舞,但強調以前去夜總會好單純,純粹跳舞及與一班朋友去玩,兩人並謂:「我們以前真係好鍾意跳舞。」
琳琳姐又大讚《從今以後》中年青演員好專業。
家燕姐就大爆與琳琳姐兩人以前在年青年代愛蒲夜總會跳舞。