網民：做零售好失禮你呀！
一名售貨員近日在網上發文，指一名大媽購買一件標價值69.99元的褲子，為找贖1仙的問題而爭論，更教導兒子指「要好好讀書」，否則「連70-69.99都未識計」。
Fb專頁「西客之道Hispitality Secret」截圖
該網民投稿至Facebook專頁「西客之道Hispitality Secret」，指該名女顧客在店內購買一條標價69.99元的褲子。樓主其後向她收取整數70元，但被對方反指「計錯數」，並要求找回一仙的差額。該名女顧客指，「總之你寫69.99元，無理由收我70元」，又指「我會去海關告你違反商品說明條例」。事主最終在無奈下，只好找回1毫子給她。
示意資料圖片/Fb專頁「西客之道Hispitality Secret」截圖
誰料，對方在取回1毫後，竟向在場的兒子指，「我唔係緊張果一毫子，而係做錯事，寫錯野就要承認錯誤」，並指「唔可以因爲人哋嘅錯誤而令自己受到傷害，同時我哋亦應該畀教訓做錯事嘅人」。其後，該名女顧客更指，「唔好好讀書，大個就係做呢啲㗎啦，人哋放假去行街，你就要返工！仲要人工都唔夠養妻活兒」，令事主甚為無奈。
不少網民紛紛留言，直言「做零售好失禮你呀！」、「呢啲客本身就唔應該找果$0.1畀佢，唔鍾意最多唔買」、「第時個個都咁乖讀好書就冇人賣衫俾你著㗎啦乖仔」、「原本阿媽教仔有原則冇問題，只係表現出狗眼看人低就顯得小氣同衰格」等。
街坊目睹啟德連鎖快餐店內，疑有人開班教畫畫，8人佔了3張枱，堆滿畫具畫紙。一原因令網民意見兩極。
(FB圖片）
連鎖快餐店內疑有人開班教畫畫
該街坊於Facebook群組「啟德居民自由講」發文，表示日前到區內某連鎖快餐店吃早餐，竟看見有一群年輕人正在開班畫畫「一早嚟食早餐，開足幾枱畫班，好心要教去會所教丫」。從樓主上截的照片可見，當時有一行8人佔據了3張枱，其中兩張枱上放滿了畫具及餐點，他們一邊吃東西一邊畫畫。
圖片來源：大快活官網
年青人點餐消費，用餐後繼畫畫
樓主不滿他們在繁忙時段佔枱畫畫，令有需要用餐的人無法找到位置「已經沒曬位，仲要開曬架攞正牌咁，霸曬啲位畫畫」，不過由於他們有消費，所以沒有要求店員趕走他們。樓主又指責他們吃完餐點後並未立即離開，而是繼續佔位畫畫「佢邊食邊畫食完就閃，我覺得係可以，但食飽左繼續坐定定畫畫就有點over」。
示意圖。設計圖片
網民批評無公德心
帖文引熱議，不少網民認為在快餐店開班畫畫太離譜「好無公德心」、「可以咁樣畫畫架咩，大開眼界」、「大把人一家大細喺度等位，佢地真係好意思」、「無公德心，仲有資格教小朋友」、「賣保險同補習都算，開畫班真係誇左啲」、「顏料有機會整污糟d枱櫈，真係唔係幾好」、「有人落兩被逼入室內畫，點解要餐廳同其他等位嘅人埋單？」、「温書還可接受，開壇畫畫會唔會離譜啲呀」。
（FB截圖）
網民估計另有原因
亦有人認為並無不妥「人哋有消費，點解唔得？」、「個個都係咁架啦，只係有人玩電話，有人睇報紙，咁畫畫又有咩問題」；有網民則估計，他們參加了原本在啟德車站廣場附近舉行的畫畫活動，後來因惡劣天氣才會移到室內「本來是在公園，應該是後來落雨，應該不是居民，因為好大班人，有D去左airside d食肆」、「刪咗佢喇，因落雨先咁樣，你影到日日咁樣先出嚟講」、「今朝橫風橫雨！咁多小朋友入嚟餐廳避雨，繼續上堂，有買餐飲，啲comments 做乜咁小氣？」
帖文來源：Facebook群組「啟德居民自由講」
