Rock到爆！
黃貫中（Paul）已有一段長時間沒有新歌，最近終於再有新作《何車AHEM》，新歌由Paul一手包辦曲詞，MV更是以電影拍攝方式製作，還找來泰迪羅賓幫手。
黃貫中已有一段長時間沒有新歌，最近終於再有新作《何車AHEM》。
Paul表示：「除咗要多謝呢班團隊，仲要多謝泰迪羅賓先生，因為佢真係幫咗我好大忙，佢除咗懂得電影，最緊要仲識得音樂，我唔使講咁多嘢，佢已經明白我想表達咩嘢，除咗內容，甚至音樂上想表達咩嘢佢都知道，好開心、好滿意。」
提到他已多年沒有推出新歌，Paul則笑謂：「唔記得喇，所有超過5年嘅事情我都會唔記得，咁即係最少超過5年。我記得上次推出新歌時囡囡啱啱出世。有冇3年？上次推出新歌到而家，至少有2、3年，不過感覺好似已經20年，可能因為一向都比較多產，多年來一直有出新歌，忽然2、3年冇做，感覺就好似過咗10年咁樣！」而事實上Paul的女兒黃鶯是在2012年10月出生，故Paul已差不多7年沒有出新歌。
Paul花了幾天時間拍今次MV，拍攝地點包括中環碼頭、屋邨等，其中一晚在中環拍攝更剛好撞正Paul的正日生日，大家便為他送上蛋糕，令他十分驚喜。
而近年他一直跟葉世榮在內地舉行演唱會，稍後亦會去不同地方演出，問到有沒有打算在紅館開騷？「我冇所謂，嚟咪嚟囉，反正都一直on the road。當然有時個心會好唔舒服嘅，早前喺佛山玩得好開心，但都好希望可以同樣喺香港玩得咁開心。我覺得一定要喺香港舉行，又唔一定要喺紅館嘅，總之必須要喺香港舉行一次嘅。」
黃貫中 (資料圖片)
