車務人員指喺未有措施保障大家安全之前，唔反對良心罷工令鐵路停駛。
網上圖片
大批白衣人周日（21日）晚上在元朗站無差別襲擊市民和西鐵乘客，造成至少45人受傷。港鐵曾一度不停元朗站及呼籲乘客離開車廂，引來外界批評處理不當。
網上圖片
港鐵車務人員在facebook「MTR Service Update」刊出抗議訊息，訊息中指，因香港從未發生有人衝入鐵路毆鬥事件，應變程序假設港人會守法搭車，車站內沒設有武警監察乘客。車站職員和車長當時亦不知哪些人有社團背景，或是哪些組織忽然衝入車站打人。文中又指原本應該由警方到場協助，但警方沒有派人到場，警署落閘關門。
網上圖片
訊息中提到，車站職員根本無法手無寸鐵保護市民，「職員點手無寸鐵出去做超人一個打十個」，而月台值班亭、客務中心的玻璃亦非常容易被打破，而當時亦有職員受傷。最後車務人員嚴正質問港鐵公司和警方，有否措施可以保障乘客、職員安全。
網上圖片
港鐵車務人員抗議訊息全文：
香港都未發生過有人衝入鐵路處所毆鬥的事件，應變程序都係假設全部香港人會守法搭車，車務人員唔係保安，都無其他國家啲鐵路有武警去監視乘客一舉一動，依家有無人值守大堂同無人駕駛列車，應該報警之後，警察係最快到場，唔好講站長、車長唔知邊啲人原來係黑底，邊個組織咩事忽然衝入嚟打人，記者、救護員都俾人扑頭
警察唔派人行咇，屯門、元朗、天水圍啲差館一早落埋閘唔俾人報案，打 999 又 cut 綫叫你：「驚就咪出街啦！」市民收工返屋企都唔得呀 ?
（按：☎️ 999 熱綫由警務處運作，只會於有需要時方轉介消防處安排救護服務）
職員點手無寸鐵出去做超人一個打十個，除咗控制室道鋼門外，月台值班亭、客務中心全部玻璃一打就爛，客務中心外判又唔知保險包幾多，依家仲真係有同事俾人拖出去，又有同事受傷添
我地依家嚴正質問香港鐵路有限公司、香港警察，有乜野措施可以保障乘客、職員安全，喺未有措施保障大家安全之前，唔反對良心罷工令鐵路停駛
