前無線新聞記者、現任港台節目《視點31》主持利君雅追問特首尖銳問題,有關影片在網上瘋傳。
特首林鄭月娥昨日聯同一眾司局長召開記者會回應元朗暴力事件,期間被前無線新聞記者、現任港台節目《視點31》主持利君雅「爆seed」追問尖銳問題,有關的言論及影片在網上受到瘋傳及熱論。
利君雅在記者會中質問林鄭月娥「過往立法會所謂受衝擊時,你凌晨4點你都可以出嚟見市民,噚晚成晚你去咗邊呢?」、「你不斷講暴力會更加激發暴力,噚晚係咪就官警黑合演嘅大龍鳳,要兌現你呢一句說話?」,她又問及警務處處長盧偉聰,「處長,你講到人手問題啦,但你剛才無具體講過人手嘅分配係點樣,你哋嘅情報去咗邊呢?」、「若果你可以一瞬間定性一宗暴動嘅時候,噚晚其實你又係去咗邊呢?」
林鄭月娥就回應指21日下午起一直與部分司局長監察情況發展等,利君雅就「爆seed」追問,「流血喎,睇唔到咩?」、「噚晚你瞓唔瞓得著?」,並再次追問「是否官警黑合演嘅大龍鳳」、「可唔可以正面答我問題」、「市民等咗好耐,噚晚好多人瞓唔到呀!」、「你哋唔好咁啦,講人話呀!唔該你!」。
現年33歲的利君雅(Nabela Qoser)為香港土生土長的巴基斯坦裔,一口純正廣東話,她在香港浸會大學畢業後,先後在now寬頻電視新聞台、無線新聞、《明報》擔任記者,其後轉往港台任職助理節目主任。