暢遊布吉放暑假 蔡一智7歲囝好嗲又黐身

享受天倫之樂真開心！

草蜢成員蔡一智，一向好享受家庭樂，一家人日前隨關心妍等成班好友，飛咗去布吉放暑假。日前晚上，開心返港嘅佢和愛妻周雪芳又帶小朋友溫馨出巡，一人mark一個子女現身銅鑼灣。見潮裝人父拖實7歲囝囝，孻仔好冧咁黐實daddy。兩父子當街猜包剪揼之餘，可愛囝又會雙手搓吓父親肚仔，呢個小朋友好識o氹人歡心！

日前，阿智一家跟好友關心妍一家三口等去布吉度假。

上月寶貝仔7歲生日，阿智po相同囝囝講「愛你」。

現年54歲嘅蔡一智，同老婆育有13歲女兒蔡斐嵐(China)及7歲兒子First Choy，加埋23歲繼女GiGi組成溫馨五口之家。日前，唔使開工嘅阿智樂做湊仔公，同太太帶一對子女去銅鑼灣時代廣場shopping。囡囡China一直繞實媽咪，文靜又乖巧。而細佬呢？就紮紮跳好活躍，加上7歲人仔充滿好奇心，黐實daddy係咁問嘢，兩父子邊行邊說笑，好鬼sweet。

布吉放暑假，蔡太(左)晒泳照，身材好fit。

可愛囝囝雙手搓父親肚仔，阿智唔冧就假！

掃咗幾袋戰利品後，一家四口行返去利園附近街邊攞車。等過馬路時，阿仔無時停，撒嬌要玩，最後冧掂父親玩包剪揼。見阿智好錫兒子，專登猜輸，o氹到小王子拋腰咔咔笑。其後，阿智拖住孻仔沿途行，過馬路時又叮囑寶貝仔跳過「水o氹」，囝囝跳過後差啲跣低，好在daddy身手敏捷，一手拉返起阿仔，免整濕衫褲。最後，蔡太拎出一百蚊畀代客泊車，一家人上車走人。

兒子飛身跳過「水o氹」後險跣低，好在阿智身手敏捷，一手拉返起咋！

兩父子溫馨猜包剪揼 蔡一智7歲囝好嗲又黐身

蔡太和囡囡拎住戰利品，阿智兩父子就趁等過馬路時猜包剪揼，人父專登猜輸o氹仔。

兩父子溫馨猜包剪揼 蔡一智7歲囝好嗲又黐身

黎芷珊還分別與草蜢三子進行深情專訪。

由黎芷珊主持的《芷珊約您》明晚（5月5日）播出第三集的嘉賓是組合草蜢，芷珊除了會到他們綵排現場探班，更會飛到台灣直擊他們的高雄巨蛋演唱會，草蜢更是首個在高雄巨蛋開騷的香港組合，相當威水。

今集嘉賓係草蜢。

草蜢成軍39年。

草蜢成軍39年。

草蜢成軍39年。

草蜢三子蔡一智、蔡一傑和蘇志威成軍39年，相隔30年再赴高雄開騷的三子全力投入綵排和公演，務求展現出對舞台的專業和執着。傑仔為了開騷可以去到好盡，他大爆籌備演唱會期間會瘋狂做運動保持最佳狀態，他說：「我限定自己9點、10點一定要起身，跟住出去就跑山，然後食少少嘢，跟住喺GYM度做3、4個鐘頭，跟住去排舞，排大概4個零鐘頭，之後我7點半一定要走，跟住我求其食碗嘢，再去游水一個鐘，最高紀錄係9個字內游咗3,000米，跟住返屋企跑步6、7k，好似運動員咁。」運動量非常誇張！

蔡一智

蔡一傑

蘇志威

草蜢喺台灣好多粉絲，接機場面墟冚。

草蜢喺台灣好多粉絲，接機場面墟冚。

草蜢喺台灣好多粉絲，接機場面墟冚。

草蜢喺台灣好多粉絲，接機場面墟冚。

草蜢喺台灣好多粉絲，接機場面墟冚。

開騷前20小時，綵排氣氛突然變得緊張，三子直言也有衝突時，但絕無隔夜仇，阿智笑言：「對於我哋嚟講係『開會』，對人哋嚟講就係鬧交，我哋開會係用好進取方法，快、靚、正，咪就係直接講囉！」到正式開騷30分鐘前，芷珊突擊三子準備情況，阿智開騷前會拉筋做熱身，阿細會閉目模擬開騷情況，傑仔則會刷牙，他笑言：「呢個係羅文教我嘅，刷牙時係按摩咗啲牙肉，出嚟聲音係會圓潤啲。」到正式開騷時，三子使盡渾身解數又唱又跳，歌迷High爆由頭跳到落尾，氣氛熾熱。去到尾聲時，有不少粉絲不捨落淚，草蜢三子亦感動得差點唱不下去，場面感人。

草蜢對綵排好認真。

草蜢對綵排好認真。

草蜢對綵排好認真。

綵排氣氛好緊張。

綵排氣氛好緊張。

綵排氣氛好緊張。

阿智開騷前會拉筋。

蘇老闆閉目模擬開騷情況。

阿傑就話開騷前會刷牙。

草蜢又唱又跳，全場High爆。

草蜢又唱又跳，全場High爆。

草蜢又唱又跳，全場High爆。

有歌迷不捨爆喊。

有歌迷不捨爆喊。

有歌迷不捨爆喊。

草蜢都話好感動。

草蜢都話好感動。

草蜢都話好感動。

芷珊分別與草蜢三子進行深情專訪。三子的緣份從童年開始，阿智笑言：「我哋係隔籬鄰舍，我媽大肚時，到佢阿媽（蘇志威媽媽）大肚，我媽就生咗我，佢媽就生咗佢哥哥，然之後我媽又大肚，佢媽又大肚，跟住佢媽生咗蘇志威，我媽就生咗蔡一傑。」雖然草蜢出道多年，但一智笑言有不少人會撈亂他們，就連證婚律師也曾搞錯，一智說：「我結婚時，個證婚律師話周雪芳小姐，你願唔願意嫁畀蔡一傑，全場人（笑到）仆低晒！」

阿傑為開騷Chur到盡。

阿傑為開騷Chur到盡。

阿傑為開騷Chur到盡。

阿傑為開騷Chur到盡。

阿智話到依家都有人認錯佢做阿傑，就連結婚都唔例外！

阿智話到依家都有人認錯佢做阿傑，就連結婚都唔例外！

草蜢三兄弟無分彼此，就連歌酬都存入共同帳戶，並由數口精的蘇老闆負責管數，蘇老闆笑言：「佢哋兩個唔知有幾錢，只係得我知有幾錢，由入行到依家都係，用咗去邊會寫低晒，因為我哋三兄弟，唔想話你欠我、我欠你咁，用一本簿寫住晒，依家啲簿仲喺度。」至於講到3人誰企C位的問題，蘇老闆直言唔恨企C位，皆因企C位壓力很大，更會大爆傑仔經常企C位的原因！想知道原因為何？密切留意周日播出的《芷珊約您》。

蘇老闆係草蜢嘅管數人。

蘇老闆係草蜢嘅管數人。

草蜢經理人林珊珊都會接受訪問。