包到冚孖老公買家品 素顏沈卓盈「甩晒色」

的確有機會認不出......

沈卓盈於去年底約滿TVB後，即於今年初嫁生意人Calvin做少奶奶，問到新婚生活，少奶奶以「幸福、美滿、愉快」來形容。老公搞內衣生意，又家住何文田億元豪宅，但沈卓盈做少奶奶得來不算太高調，即一般出街Shopping不會著到好高貴、化好妝。

今年3月，大師在ig宣佈與拍拖3年、從事內衣生意的男友Calvin結婚。

日前晚上，包實五官兼全黑的沈卓盈先到IKEA選家品，家品類型包括相架、浴室架及畫框等，行了十幾分鐘，她老公現身，兩公婆一齊行但不算太Close，老婆看中相架，老公即行近給意見，$99.9一排相連相架，這麼抵買即入手啦。

畫框亦是沈大師重點入手物品。

沈大師同老公一齊行但各自睇。

沈大師對呢個一大塊相連相架好有興趣。

然後兩公婆再去看畫框，行足一個鐘，買了幾多嘢，期間沈卓盈可能覺得好焗而曾經拉低口罩分幾鐘，還除下太陽眼鏡，素顏的沈卓盈明顯無晒艷光，甩色相當嚴重，不戴口罩都可能不會有人認到啦。行近尾聲， Calvin先行離開去取車，沈卓盈自己付款加包裝再拿着大件相架行去旁邊的酒店上車。

戴口罩好焗，沈卓盈揀家品期間曾經拉開口罩唞氣，加上除埋太陽眼鏡，要好落足眼力先認到佢。

為咗睇真啲貨品顏色，大師要除黑超。

老公先行去攞車，大師負責畀錢。

沈卓盈囝囝Jayden雖然下個月才滿三歲，但已生得手長腳長，而且眼大大又鼻高高！

40歲的沈卓盈2019年與富貴男友Calvin結婚，並於2021年5月誕下兒子杜柏霆（Jayden），自此早已離巢沈卓盈專心相夫教子，經常陪囝囝四圍去玩，近日就連去了兩個主主題樂園，即將3歲的Jayden更獲網民大讚好靚仔！

沈卓盈月初40歲生日，老公和囝囝為她送吻。

沈卓盈連日在IG帶囝囝去玩的照片，可見她與老公先在復活節假期帶囝囝去海洋公園玩，並透露囝囝熱愛坐纜車，「Jayden最鍾意坐纜車，今次一共坐咗三次..係三次！」可見沈卓盈打扮清涼，穿著入膊露腰背心搭配長褲，抱着囝囝坐纜車期間，因太大風搞到披頭散髮，更不慎露出內衣帶，非常「捩𠾍」！

一家三口遊海洋公園。

沈卓盈抱着囝囝坐纜車期間，因太大風搞到披頭散髮，更不慎露出內衣帶。

去到海洋公園當然少不了親親小動物，沈卓盈表示：「最開心嘅係參加咗動物好友見面會，有我同Jayden最鍾意嘅海獅BB，可以近距離同佢哋影相真係好開心呀！仲睇咗熊貓、鱷魚、海龜同小王子。最後爸爸仲贏埋大獎海豚公仔一大隻，真係滿載而歸啊！」

沈卓盈大騷小蠻腰。

睇鱷魚。

睇熊貓。

睇魚。

和小王子合照。

Jayden玩得好開心。

當然小不了玩攤位遊戲。

爸爸贏了一隻大海豚公仔。

滿載而歸！

幾日後，沈卓盈又帶了囝囝去迪士尼樂園，可見她穿著波點透視上衣，頭上還戴著米妮頭箍，充滿少女味，完全不像已為人妻人母！童心未泯的沈卓盈陪囝囝坐旋轉木馬，又為囝囝拍了很多照片，更忍不住感歎：「孩子大得快，現在真的可以和他一起玩了，想玩什麼想看什麼，媽媽一定會陪伴你！」

幾日後，沈卓盈又帶囝囝去迪士尼樂園。

沈卓盈少女味爆燈！

童心未泯。

陪囝囝坐旋轉木馬。

網民大讚Jayden靚仔！

而且成長了很多！

不少網民看過沈卓盈的帖文都大讚Jayden靚仔，而且成長了很多，雖然仍未夠三歲，但已生得手長腳長，而且五官立體，眼大大又鼻高高，網民紛紛留言：「你家寶貝真的太好看了」、「小帥哥」、「好靚仔啊」、「寶寶好可愛哦！帅帅的寶寶哦」、「你囝囝好可愛」！