獲好兄弟贈月餅 子善叫林峯做「峯叔」

兩位好老友！

網上圖片

藝人林子善與林峯老友鬼鬼，但兩人久未聚頭。林峯昨趁臨近中秋，送盒月餅予子善，他立即上載IG：「今日開工喺化妝間無啦啦『峯叔』突然彈出，畀佢嚇一嚇，佢話特登過來探一探我同埋攞盒月餅畀我，呢個阿叔真係唔話得，最開心嗰句係好耐冇同我開工話好想同我開工，因為同我開工好開心，其實我何嘗唔係想同你開工呢...都好希望快啲可以同你合作啦，再次多謝(((峯叔)))送畀我嘅月餅。(有啲嘢真係好邪琴晚我同老婆先提起佢好耐冇見佢，點知今日就見到佢)。

林峯、劉俊謙、胡子彤同張文傑齊齊分享拍攝《九龍城寨之圍城》期間的趣事和感受。

ViuTV節目《周六食花生》逢星期六晚上8時30分播放。節目由陳俞希（Hailey）、李禹燊（Oscar）和黃汛一（Jake）擔任主持，每週請來不同嘉賓介紹新作及暢談近況。同場亦會請來幾位敢言、有特色的「花生友」一起探討與嘉賓相關的生活話題。明晚（4月27日）播出的一集，邀請到《九龍城寨之圍城》的團隊，包括林峯、劉俊謙、胡子彤同張文傑擔任嘉賓，分享拍攝期間的趣事和感受。

今集嘉賓邀得《九龍城寨之圍城》演員作分享。

今次戲中有大量打鬥場面，林峯自爆受傷驚險事：「有個動作係要S字形走位，之後去檢查嗰陣先發現原來十字韌帶斷咗一半。仲有次試戲嗰陣，係二樓同武師對打。個情景就係佢要向我進攻，我就要向後退。點知，我就唔小心差錯腳，就由二樓跌咗落一樓。好彩下面有一堆道具墊住，就無點受到傷。最唔抵係當時未roll機，無拍到。」而劉俊謙就分享指拍攝期間，就不小心被電單車死氣喉燙傷小腿；而胡子彤則意外被踢傷下巴，需縫14針。

劉俊謙

劉俊謙拍攝期間不小心被電單車死氣喉燙傷。

胡子彤分享意外被踢傷下巴的經歷。

談及對彼此的印象，劉俊謙笑言小時候是看《尋秦記》長大，所以林峯是陪自己成長的一個大哥哥，並指其十分溫柔和細心：「佢知道我非常喜歡金莎。有日拍到好攰，佢就遞咗盒金莎送俾我。個刻真係覺得，個盒金莎係我嘅所有。」被問及下次4位兄弟合作會想拍甚麼題材，林峯笑言想拍一齊拍BL四角戀，令在場所有人都哭笑不得。

林峯盼開BL戲大玩四角戀。

林峯盼開BL戲大玩四角戀。

林峯獲劉俊謙讚溫柔細心。