新秀入行25年 海俊傑心願望出碟開個唱

希望心想事成~~　　

46歲的海仔坦承跟太太已有計劃生Ｂ

海俊傑參加94年新秀入行，唱歌實力當然毋庸置疑，最近相隔7年再推出新歌《長大》，他形容這是自己入行至今的成長經歷，不過相信每個人都應該大同小異，好容易有共鳴。海仔去年再簽約香港公司，將發展基地搬回港，所以出新歌只是個開始，目標是明年出碟及舉辦演唱會，完成25年來的心願。

94年海仔奪新秀冠軍後，即推出首張專輯《微風中的海》。

海仔近年主力在內地發展，直至前年跟化妝師太太莫家慈 （Effie）結婚，演繹由陳容森創作的新婚禮物國語新歌《祝福》，現場好多親友都大讚他依然唱得，好應該繼續唱，於是他在華星年代老闆陳欣健（Philip）介紹下再戰香港，「好多謝Uncle Philip幫手介紹咗依家公司畀我，令我有機會重返香港樂壇。」

早前MV舉行首播，海仔獲張崇基、張崇德和劉雅麗等好友撐場。

新歌命名為《長大》，海仔坦承受好友兼師姐鄭秀文（Sammi）啟發，「嗰時我喺網上唱咗Sammi首《我們都是這樣長大的》，佢仲貼咗出嚟，勾起咗好多人記得我哋當年合作電影《孤男寡女》，其實嗰時我已經錄好咗呢首新歌，發覺《長大》個名好適合，都係講人生嘅跌跌碰碰，相信大家好易有共鳴。」

拍《長大》MV時，海仔差啲焗到暈，但睇見效果也覺值。

不過拍MV時海仔搞到差啲暈，「嗰時我喺內地工作至朝早5時返港，但8時就要到達拍攝場地，冇休息又要走幾個場景，最後嗰站環境又焗，咪差啲暈低囉！好在出嚟效果好好。」海仔現已錄了3首新歌，預計最快明年底儲夠歌就開個唱，「新秀後出過第一張碟《微風中的海》後，只係推出過啲單曲，冇再出過碟，都好想正式再出碟，到時希望可以開埋個騷就最好啦！」

MV中，海仔拿着當年新秀的獎座拍攝，特別有感覺。

希望未來可以繼續keep到健康，為大家帶來更多作品。

歌手海俊傑於1994年參加第十三屆新秀歌唱大賽奪冠入行，曾獲1994年度十大勁歌金曲頒獎典禮「最受歡迎新人獎（男歌星）銀獎」，他現齡已經50歲，自2018年復出歌壇後，參演了多部無綫（TVB）的影視作品，原本海俊傑在內地長期發展，自香港有工作展開後，就重返香港發展。

歌手海俊傑於1994年參加第十三屆新秀歌唱大賽奪冠入行

雖然海俊傑目前的事業重心在香港，但仍然有保持在內地市場的活躍度，經常會在社交平台和內地粉絲分享自己生活工作的點點滴滴，並和粉絲們互動，日前，海俊傑在社交平台大爆自己大病一場：「細菌真的很厲害！大病了一場，七天只能食流質食物！回來了！堅持每天運動。」

由海俊傑的發布的文字中透露，似乎今次的病真的號嚴重，令他十分後怕。但好彩海俊傑已經好返，並已經堅持每日運動，連發文用的圖都是自己做鍛煉時的照片，手臂肌肉線條流暢，睇起身真係開始要操返自己的免疫力，唔少網民都留言為海俊傑打氣，希望他未來可以繼續keep到健康，為大家帶來更多作品。