事主最終「兜咗一大個圈」才抵達目的地。
馬路如虎口，駕駛者應該要注意路面安全。近日有網民在Facebook群組「馬路的事討論區」分享一段不快經歷，稱前晚乘搭一輛的士，該名司機在駕駛途中，不時用手機睇片，更不斷兜路「遊花園」，事主質疑「唔識路」，該名司機則反駁並以粗口大罵，態度惡劣，最後要一段時間，由事主再三說明目的地才抵達。事主向網民大吐苦水，網民均斥司機「罔顧乘客安全」、「唔識路又唔問」、「離晒譜」。
影片截圖
馬路的事討論區FB/網民Ron Rgb圖。
該名乘客網民Ron Rgb在Facebook群組「馬路的事討論區」發文講述事件，指前日（9日）晚上8時半乘搭的士，發現司機一邊駕駛，一邊「睇住手提電話播住片」，感到十分不安全，司機更疑不熟路，遲遲未抵目的地，事主稱上車後先後4次說明目的地，不滿下詢問的哥是否「唔識路」，對方即時否認，事主最終「兜咗一大個圈」才抵達，而下車時向司機表示「唔識路可以問」，卻被對方以粗口「問候」。
影片截圖
事主將的哥「惡行」放上網，從貼文短片可見，該名的哥在等候交通燈轉燈時「睇片」。不少網民斥的哥「離晒譜」、「揸車唔安全」，亦有人留言勸事主不必動氣「打1823投訴」、「罷搭的士」。
街坊目睹啟德連鎖快餐店內，疑有人開班教畫畫，8人佔了3張枱，堆滿畫具畫紙。一原因令網民意見兩極。
(FB圖片）
連鎖快餐店內疑有人開班教畫畫
該街坊於Facebook群組「啟德居民自由講」發文，表示日前到區內某連鎖快餐店吃早餐，竟看見有一群年輕人正在開班畫畫「一早嚟食早餐，開足幾枱畫班，好心要教去會所教丫」。從樓主上截的照片可見，當時有一行8人佔據了3張枱，其中兩張枱上放滿了畫具及餐點，他們一邊吃東西一邊畫畫。
圖片來源：大快活官網
年青人點餐消費，用餐後繼畫畫
樓主不滿他們在繁忙時段佔枱畫畫，令有需要用餐的人無法找到位置「已經沒曬位，仲要開曬架攞正牌咁，霸曬啲位畫畫」，不過由於他們有消費，所以沒有要求店員趕走他們。樓主又指責他們吃完餐點後並未立即離開，而是繼續佔位畫畫「佢邊食邊畫食完就閃，我覺得係可以，但食飽左繼續坐定定畫畫就有點over」。
示意圖。設計圖片
網民批評無公德心
帖文引熱議，不少網民認為在快餐店開班畫畫太離譜「好無公德心」、「可以咁樣畫畫架咩，大開眼界」、「大把人一家大細喺度等位，佢地真係好意思」、「無公德心，仲有資格教小朋友」、「賣保險同補習都算，開畫班真係誇左啲」、「顏料有機會整污糟d枱櫈，真係唔係幾好」、「有人落兩被逼入室內畫，點解要餐廳同其他等位嘅人埋單？」、「温書還可接受，開壇畫畫會唔會離譜啲呀」。
（FB截圖）
網民估計另有原因
亦有人認為並無不妥「人哋有消費，點解唔得？」、「個個都係咁架啦，只係有人玩電話，有人睇報紙，咁畫畫又有咩問題」；有網民則估計，他們參加了原本在啟德車站廣場附近舉行的畫畫活動，後來因惡劣天氣才會移到室內「本來是在公園，應該是後來落雨，應該不是居民，因為好大班人，有D去左airside d食肆」、「刪咗佢喇，因落雨先咁樣，你影到日日咁樣先出嚟講」、「今朝橫風橫雨！咁多小朋友入嚟餐廳避雨，繼續上堂，有買餐飲，啲comments 做乜咁小氣？」
帖文來源：Facebook群組「啟德居民自由講」
