杏兒生日快樂!
今日(6日)是胡杏兒40歲生日,昨晚老公李乘德(Philip)已經幫老婆在酒店舉行生日Party,老婆一班好姊妹「胡說八道會」的成員胡定欣、胡蓓蔚、黃智雯、姚子羚及李施嬅都著到靚靚出席。從一眾索女打扮可見,生日Party的Dress Code是紅色,像過年一樣喜慶。
踏入四字頭,壽星女好感觸,「時間過得真係好快,眨吓眼就踏入4字頭,真係好幸運好幸福,有一班好姊妹每年一定陪我過,有個錫我嘅老公加兩個健康活潑可愛嘅BB,加上身體健康,感恩感恩,踏入4字,要更加努力做好自己各個身份,多謝家人支持和愛護,我會努力。」
Philip就搞笑的在微博發文,「老婆,歡迎你踏入四字頭!40歲的成就, 18歲的樣貌,真係正。」
另外,李施嬅就祝超級媽媽杏兒,「踏入新的人生階段,更加大紅大紫,更加美麗,再生多啲B’sssss。」黃智雯則表示:「踏入美麗的40,一定要跳番隻Happy Dance,你係我心目中的role model,型格又得,優雅又得,做媽媽又得,有咩你唔得!祝您願望成真,繼續散發自信自在從容的氣度 ~love u forever 。」
而胡定欣就祝杏兒20對生日快樂,「我成日都話你有一張好好的人生時間表,無論工作上或是家庭上,一切都來得剛剛好,轉眼間你已經成為人妻還是兩子之母,呢個20對係非常美滿!接下來,不用急慢慢行,好好享受每步,大家一齊行!WE LOVE U。」