健康好重要。
馮允謙（Jay）出席器官捐贈日活動，並即場登記捐贈器官，直言好有意義，可以幫助有需要的人士，亦會建議胞弟馮重謙（Tim）參與，家人也很支持他，自稱心臟最為健康，因為一直有保持做運動。
對台灣藝人高以翔為內地競賽節目錄影時猝死，Jay感到很可惜。他有看過對方演出的戲，既高大又靚仔，而且形象健康，本身有朋友認識對方，也大讚為人友善。他說：「每個人需要身體檢查，有時睇落去好似身體好健康，但始終唔知身體點？如果身體開始攰唔好夾硬嚟。」若感到疲倦時公司卻要求繼續拍攝又如何？他說：「我會Say No！始終別人不知你身體如何？我見好多人拍劇會劇接劇，真係好辛苦，所以要睇自己身體的反應。」
Jay即場登記捐贈器官。
器官捐贈日活動
由於香港反修例運動持續，今年樂壇只有商台叱咤頒獎禮將如常進行，Jay自言出席心態不是為得獎，反而期望見到朋友支持樂壇同廣東歌樂壇。他說：「我一定會去參與。（今年只需一套戰衣參與樂壇頒獎禮！）著靚啲囉！」
Jay即場登記捐贈器官。
「唱作王子」馮允謙（Jay）新歌《JAY FUNG儀態訓練學院》MV上架，形象斯文淡定的他，成為歌迷的模範，亦吸引作填人黃偉文注意，成為新歌的創作靈感，就連歌名都加入「JAY FUNG」的名字。
Jay新歌《JAY FUNG儀態訓練學院》MV上架。
觀看相關影片按連結：https://youtu.be/6Dzlev8QH5k?si=j-gwp-Yz_HGCAcWx
拍攝MV現場，導演安排一個高級餐廳的場景，Jay坐在其中一張餐枱前，突然一班瘋狂食客爭相搶食物，椅子都被撞跌，他們衝過Jay身邊時亦幾乎將他扯落地，Jay保持儀態繼續安坐位上，最後他看到一位小男孩沒有跟著去搶食物，於是上前拖著小男孩離開。
MV在一間高級餐廳拍攝，Jay坐在其中一張餐枱前。
一班瘋狂食客突然衝出，爭相搶食物，椅子都被撞跌。
最後Jay見到一位小男孩沒有跟著去搶食物。
便上前拖著小男孩離開。
拍攝順利，Jay坦言埋位前略施小計與小男孩Marcus混熟，他說：「之前拍微電影曾經同小朋友合作過，拍MV就係第一次，其實我都係個大細路，同小朋友做對手戲最緊要係要同佢做朋友，先至有默契。同事準備咗好多零食，雖然我要Keep fit無得食，但我就攞去同小朋友做朋友。」除了零食，Jay哥哥還有溫柔地與小男孩講解劇情和排戲，練習走位，慈父感爆燈。
Jay指同小朋友做對手戲最緊要係要同佢做朋友！
Jay對於自己的名子出現在新歌名裏感到好奇，「歌名好特別，因為有我個名，係Wyman（黃偉文）諗㗎！我都有問點解？可能佢寫呢首歌嘅時候都會諗，點解Jay Fung平時或者出嚟做嘢，畀別人印象情緒比較冷靜，或者對任何事都會好正面或者冷靜。今次音樂班底，有我同June一齊作曲，Carl叔叔（王雙駿）編曲和監製，幾年前同Carl叔叔合作《因愛之罪名》，首歌好特別，我好鍾意。今次再合作，呢首歌比較難唱。唔知點解每次同佢合作都會好爆和挑戰高難度，不過經過佢手嘅歌我都好有信心。」
Jay對自己的名子出現在新歌名都感到好奇。
Jay式字幕
新歌以Jay的好脾氣做題材，但他自爆真實一面，「其實我都有發脾氣嘅時候，但同其他人合作時，會希望保持大家都喺舒服嘅狀態，係一種尊重。無論對方任何行為，我自己嘅行為都要盡量做好嗰一面，唔好理人哋點樣做，做自己，展現尊重嘅態度。」
新歌以Jay的好脾氣做題材，但他自言都有發脾氣的時候。
