娛圈事
經常為人帶來歡樂的阿叻，原來不經不覺已奔七
陳百祥（阿叻）日前69歲牛一，向來人緣、朋友多的叻哥慶祝活動真是停不了，繼日前才飛抵韓國，與老婆黃杏秀睇紅葉浪漫慶生後，昨日就輪到一班相識多年的明星足球隊朋友鍾鎮濤（阿B）、彭健新、陳友、阿叻胞弟陳百燊、余錦基、歐瑞強及崔嘉寶夫婦等，跟他補祝生日，兼提前搞聖誕新年派對，眾人開懷豪食暢飲，場面相當熱鬧。一班老朋友和阿叻相識幾十年，當然知道阿叻向來喜歡賭波、賭馬，生日願望梗係想狗馬亨通啦，因而專誠訂製的大蛋糕上寫有代表Win的「W」，希望叻哥心想事成。
明星足球隊聖誕派對加阿叻生日會好熱鬧呀！
除溫拿上台合唱阿倫經典名曲《知心當玩偶》外，而譚詠麟特意唱陳奕迅嘅《明年今日》送畀黃杏秀，阿叻話秀姑最愛阿倫唱出另一種風格！另阿B亦貼出「溫拿五虎」合照，阿B留言：「一起40+年，從未換過隊員，今天仍然一起唱歌，一起開心！」
溫拿五虎齊腳在港同阿叻慶生。
溫拿五虎齊腳在港同阿叻慶生。
呢一集主題係「橫財必勝法」，肥媽、鼎爺細數圈中擁有橫財運藝人！
肥媽公開叻哥賭馬必勝秘訣由肥媽、李家鼎（鼎爺）及游嘉欣（游游）擔任主持的全新飲食節目《尚品花膠專門店呈獻：肥媽李鼎打大佬》，逢周一至三晚10點半翡翠台播映。10日播出的第6集主題是「橫財必勝法」，肥媽、鼎爺細數圈中擁有橫財運藝人，談到「小龍女」陳玉蓮中過很多次六合彩，鼎爺說：「但佢做好多善事，呢啲叫行善積德。」鼎爺坦言自己沒有橫財運：「我中過兩次獎，第一次中咗一圍酒，拔蘭地都蝕埋，第二次就大吉利是，我媽媽啱啱行咗，點知中咗一打毛巾（有排喊的意思）！」入行多年的鼎爺又指覺得薛家燕很有運：「我做咗47年，有個人佢年年都有份抽到獎，佢就係薛家燕，不論大細佢都有嘅。」肥媽則指著名經理人陳淑芬和著名電影出品人向華強同樣有運，更見證過向生在賭城拉斯維加斯贏了一台名車。
呢一集主題係「橫財必勝法」。
「小龍女」陳玉蓮被指中過很多次六合彩。
鼎爺話自己冇咩橫財運。
肥媽目擊過向生贏咗一架名車。
爆張智霖打牌好運到離譜
後來講到打牌睇人品時，肥媽竟指不會跟張智霖打麻雀，但原因卻與其人品無關，肥媽笑言：「佢牌品好到一流，一開就天胡，再嚟就十三么，唔係就嚦咕嚦咕，我話你傻㗎！邊個同你打呀，（佢）好好運㗎！」三人再講到入馬場，游游笑言想正財橫財一樣掂，肥媽聞言笑說：「咁我帶你去馬場打個轉，帶你識叻哥（陳百祥），包你贏馬！」肥媽更大爆叻哥賭馬必勝秘訣！肥媽續笑指游游有嫁富二代條件，唯獨是要惡補腦袋，她說：「嫁入豪門都有個特徵，就係唔會亂咁講嘢。」至於鼎爺除了廚藝精湛，亦是圈中馬術高手；鼎爺坦言資深演員兼馬評人董驃是其偶像，即場炮製「可樂燜豬手」悼念驃叔的他，更分享了一段與驃叔相處的趣事。
肥媽講到明唔會同張智霖打牌，因為對方好運到離譜！
游游問肥媽有冇發財秘笈，肥媽話帶佢去馬場識叻哥，仲大爆叻哥賭馬必勝秘訣。
肥媽直指成日亂講嘢嘅游游，嫁入豪門有阻滯。
鼎爺雖然識得睇馬，但佢就冇賭馬嘅習慣。
富貴黃金帶子
財源滾滾炸蝦球
可樂燜豬手
聚寶四喜福袋
