李璨琛開公司為同業創造機會 做監製為當導演鋪路

盡心盡力！

李璨琛（Sam）最近跟姜文杰等人成立製作公司「Soul Crew」，創業作《大盜演》早前到泰國曼谷取景，Sam除了主演還兼任監製。Sam坦承開公司為自己製造機會外，亦為同業籌謀，更希望幫到一班新演員，好似今次有份演出的潘伯仲和鄺家瑜。Sam向《頭條新聞》坦承自己亦有個導演夢，現在希望透過監製工作，加深了解電影製作，為未來做導演鋪路。

Sam親自示範畀潘伯仲和鄺家瑜睇正確姿態。

入行23年的 Sam坦承做演員好被動，又缺乏安全感，令他一直有開公司諗法，「幾年前都有呢個構思，製造機會畀自己同其他朋友，有個班底喺度，我哋係做得到㗎喎！於是集合咗今次個導演鍾盛遠、錢江漢同埋Benji（姜文杰）成立呢間公司。」

Sam大讚首次拍電影的潘伯仲和鄺家瑜，作為新人算好醒目。

這套作品前，Sam已先後為網劇及電影出任過監製，他坦承最困難除了資金就是人事問題，「人事最難搞，了解完呢邊又要同嗰邊講，以前人哋做我調解員㗎嘛！對自己EQ都係個練習，自己都衝動，而家訓練得多真係成熟咗，始終多咗個身份，成個劇組都要顧，了解多咗其他部門嘅運作，對淨係做演員都有幫助，會多咗體諒。」Sam坦承都有想過做導演，所以多做幾部監製學習，「一人分飾幾角，冇話唔得嘅，做多幾部先，到有一部好啱心水或者好想拍嘅就嘗試吓。」Sam亦承認現在自己有小小能力都想幫吓新人，所以呢日專登搵埋潘伯仲和鄺家瑜去練體能，「做演員除咗記對白走位，都要識啲動作旁吓身嘅，我哋一齊去做Gym睇吓你哋夠唔夠fit啦！」

輪到鄺家瑜，在Sam指導下都算做得有板有眼。

鄺家瑜戲中會跟詹Sir有不少對手戲。

Sam和姜文杰除了要演，仲要兼顧監製和執行監製工作。

相反29歲的潘伯仲做一下就要Sam托住，唔掂喎！

44歲的Sam近年操得甚fit，這個動作輕鬆完成。

Lucy媽梁志瑩近日在限時動態貼出1歲細女李斐斐（Sucy）半夜熟睡相片，並透露兩個女兒相繼生病

近期腺病毒在本港肆虐，李璨琛的兩個寶貝女李元元（Lucy）和李斐斐（Sucy）相繼生病受感染，李太「Lucy媽」梁志瑩（Sophia）po出囡囡病容，慘慘模樣令網民大嗌心痛。

一家四口

李元元古靈精怪

Lulu好錫妹妹。

Lucy媽梁志瑩近日在限時動態貼出1歲細女李斐斐（Sucy）半夜熟睡相片，並透露兩個女兒相繼生病：「最近心好累，家姐之前腺病毒搞5咗成個幾禮拜，好番冇耐，又突然間發高燒流鼻涕，今日又咳到肺癆咁，然後阿妹琴（噚）日又突然間發高燒，跟住今日又發現佢有好多眼膠，然後我發現佢應該都係中咗腺病毒，我今日就係不停幫阿妹抹眼屎搽精油叫家姐食中藥，無限輪迴。#小朋友病真係慘過自己病 #徘徊在客服梁與護士梁之間。」

兩姊妹相繼生病

之後Lucy媽梁志瑩分享Lucy「大」字形攤在軟墊上，一臉無助病懨懨的模樣，留言：「一睇就知佢琴（噚）日經歷咗好多 #好一個咳到懷疑人生嘅樣 #媽媽最近都真係headintheclouds」不少網民感歎「陰功」嗌心痛，紛紛希望兩姊妹可以早日康復，亦有人同情Lucy的病容被公開：「每次阿媽都影到最衰一面」、「好衰呀，人哋唔舒服㗎。家姐，快快好番。」

好鬼慘！

好鬼慘！

好鬼慘！