測試防水功能得唔得～
張智霖（Chilam）及《全民造星II》組合B4出席床品活動，吸引逾百名粉絲撐場，場面墟冚！Chilam透露聖誕會與家人出埠滑雪，礙於工作關係只能留2日，大呻蝕底。為了當個盡責演員，Chilam笑言會全程保持最低速度，以免受傷，笑認只是初學階段，已追不上兒子「魔童」的程度，「人大了冇咁醒目，以前好快就上手㗎喇！」
張智霖（Chilam）出席床品活動。
談到兒子將其電話掟落水，Chilam解釋兒子只是好奇，測試手機的防水功能，但已「測試」了起碼3次以上，令他感到煩惱及困擾。他說：「不會嬲，他只是比較活潑，這都是遺傳自我，我小時候也很活潑，在枱上跳落地扮超人，結果跌爆嘴唇要縫針，好在醫生手勢好咋，其實兒子的嘴部快有同樣傷疤，真是奇怪的命運！」
Chilam真是好老公好爸爸。
笑問會否讓兒子參加《全民造星》？Chilam指兒子無甚演藝細胞，不像B4般能歌善舞，兒子亦沒提過想加入娛樂圈。他又喜見B4獲熱情Fans支持，認為香港演藝圈應該一代傳一代，代表香港揚威國際。
Chilam喜見B4獲熱情Fans支持。
對於老婆袁詠儀（靚靚）被指「打回圓形」，Chilam笑說：「她好靚、好靚，我覺得好好，不一定瘦就是靚，無論她怎樣也好得意，係靚㗎！」
張智霖與老婆兒子親密合照。
詹瑞文揚言《即興之王》至少都會做100場，更希望可以將演出帶到去星馬、美加等地，同當地華人或者香港人一同分享！
詹瑞文（Jim sir）一共六場的單拖喜劇《即興之王》於日前完滿結束。闊別舞台8年，Jim sir很開心今次6場演出能順利完成，更於完show後，「即興」宣布馬上籌備Round 2！
Jim sir 6場《即興之王》順利完成。
Jim sir表示：「我真係好開心，好感恩啲觀眾好投入，同埋大家由世界各地不同嘅地方，飛嚟支持我。呢個係我人生中同事業中都好重要嘅一個作品，所以我響度宣布，我個show係唔會只做幾場嘅，至少都會做100場，呢個係我一個願望，而我呢個願望亦一定會成真。今年希望呢個show，可以帶到去星馬、美加等地，同當地華人或者香港人，一起分享呢個快樂！」
Jim sir好感恩觀眾好投入。
更揚言會做100場。
更希望將《即興之王》帶到星馬、美加等地，與當地華人及香港人一同分享。
Jim sir的演出得到不少藝人的支持，包括陳煒及老公陳醫生、姚子羚、何超儀及老公陳子聰、江若琳及老公Oscar、廖碧兒、林盛斌等，每位藝人完騷後，都對Jim sir的演出及即興之王整個show讃不絕口。甚少在香港露面的陳小春亦特別前來支持Jim sir ，更對Jim sir的演出讚口不絕，小春謂：「Jim sir響台上做緊咩，我就完全跟曬入去佢嘅世界去睇，好enjoy呀！」
廖碧兒
林盛斌
陳小春
而大多數與太太袁詠儀，一齊出現的張智霖，今次跟他結伴來睇show的，竟然換成甚少公開露面的兒子張慕童（魔童），魔童對這位「即興之王」的表現相當滿意，因為在這兩小時半的演出 裡，魔童多次睇到拍爛手掌兼開懷大笑，見到Jim sir扮女人以「moment姐」身份在台上玩做直播，整part演出魔童都笑過不停，當Jim sir即興坐在一位男觀眾的大脾上時，魔童更突然將雙手捉緊爸爸Chilam的右手，兩人「十五指緊扣」起來，父子倆都睇得相當肉緊，表現興奮！Chilam 謂：「Jim sir好有活力，我嚟學下嘢！好enjoy 、好chill，希望Jim sir做多啲，大家又睇得開心喲！」
張智霖與囝囝張慕童
魔童好滿意Jim sir扮女人「moment姐」。
魔童睇到笑唔停。
仲同爸爸Chilam「十五指緊扣」。
