林奕匡為拍MV犧牲色相 全身搽均油抺唔甩

實力派歌手都要賣弄肉體。

林奕匡 (資料圖片)

歌手林奕匡（Phil）與師妹黃妍（Cath）一同亮相TVB娛樂節目《StarTalk》受訪，兩人分享出新歌感受。Phil表示上年達成心願到美國深造音樂，於新作學以致用。

網上圖片

Phil拍攝新歌《黑方格》MV他大呻作出極大犧牲：「知道夜晚要赤裸上身拍MV嗰陣，決定唔食飯，避免肚凸凸，但嗰晚氣溫寒涼，冇辦法之下決定食少少嘢，兼不停做運動保暖，最慘係要全身淋黑油，因為咁凍，決定一拍完我就唔洗走啲黑油，直接揸車返屋企，點知啲油乾晒，成個地下都係粉，而我洗咗25分鐘都洗唔乾淨，要由頭再洗過，第二朝起身發現，浴室玻璃同天花都係一點點黑色，趁老婆未起身又立即抹，原來拍成個MV最慘嘅係要抹嘢！」。

IG圖片

師妹Cathy就表示自己上年就相當充實，舉行音樂會又出唱片，兼更完成了一齣舞台劇：「第一次做女主角，接嘅時候都擔心會唔記得台詞，綵排時我同釗鋒死都拎住本台詞，導演下令唔畀我哋再拎住，原來只係心理壓力，自己都記到啲對白。」

網上圖片

其實，今年Phil入行即張踏入十周年，他表示：「有幻想過最美滿就梗係喺更大嘅場地開騷，但亦有壓力，因為相對自己會有好大要求，要有好好嘅準備先可以行上台，例如喺台上要更成熟，台風、舞蹈，歌曲同講嘢要預備好多。我記得我喺九月先出道，所以今年九月先叫做十周年，可以畀多少少時間我準備。」

希望入行第十個年頭的Phil，新作《黑方格》可以再造出當年《高山低谷》的佳績。

黃妍透露今年的歌曲風格跟過往完全不同。

女歌手黃妍（Cath）今日（26日）到新城廣播接受黎莉節目《勁爆樂勢力》訪問，大談新歌《黃言》，Cath透露完成上個project之後，花了半年時間去沉澱及寫歌，希望快將推出的新作品，能給予大家煥然一新的感覺。

黃妍（Cath）接受新城《勁爆樂勢力》節目主持黎莉訪問。

至於新計劃會帶出甚麼訊息？Cath笑言無可奉告：「我啲同事喺我過嚟宣傳時，千叮萬囑我唔好穿橋，想大家好似剝洋蔥咁，逐層逐層剝，有朋友已經開始估緊喇！」

黃妍自爆好快再有新作！

希望快將推出的新作品。

黃妍與主持黎莉合照。

Cath指今年的歌曲風格跟過往完全不同，對她來說是一個新挑戰，Cath表示：「我會不斷去挑戰自己極限，當然要我一步登天梗係唔得啦，但我都有不斷去學唱歌裝備自己，可以應付到唔同嘅嘢。」

詳細精彩內容，請重溫4月26日，中午12-1時，新城知訊台《勁爆樂勢力》節目 ，重溫網址：https://www.metroradio.com.hk/MetroInfo/