感動場面再現。
薛家燕對黎小田離世仍未釋懷，昨晚的場面令她很感觸。
為悼念黎小田（Michael）舉行的《To小田 with Love Forever 音樂會》昨晚於麥花臣場館舉行，小田生前好友薛家燕、柳影虹、杜德偉、衛蘭、林德信、泳兒等擔任嘉賓，陳欣健、胡諾言及陳敏之任司儀。薛家燕打頭陣出場，為記念好友，家燕姐特意穿上蝴蝶舞衣亮相並唱出《心肝寶貝》拉開溫暖序幕，她坦言至友黎小田離開已過多月至今仍未釋懷。
點擊看圖輯
薛家燕對黎小田離世仍未釋懷，昨晚的場面令她很感觸。
薛家燕跟黎小田的相處點滴。
黎小田和張國榮相處短片。
黎小田對香港樂壇貢獻良多，好友滿天下，不少巨星名人包括成龍、周華健、劉嘉玲、鄭秀文、楊受成等，錄製短片分享跟黎小田的相處點滴及思念。大銀幕亦播出黎小田已故父親黎草田淺談兒子對音樂的熱情，及跟黎小田關係亦師亦友的張國榮及梅豔芳短片及照片。
薛家燕打頭陣出場特別挑選蝴蝶舞衣亮相並唱出歌曲《心肝寶貝》，家燕姐說：「你真係我哋嘅心肝寶貝，你為樂壇貢獻咗好多，我好感激你，今日濟濟一堂，大家向你致敬，希望你得到安慰。」她紅了雙眼，表示感覺到小田跟他們在一起。她提到多年前跟小田曾扮梅艷芳和張國榮唱《胭脂扣》，透露音樂會尾段播出片段後，她便會演唱《胭脂扣》，說：「好多謝監製，將Michael嘅畫面融入首歌入邊，就好似再一次合作咁，綵排嘅時候就真係好似伴住我一樣。」
薛家燕跟黎小田的相處點滴。
問到可會避免看到畫面，以免演出時控制不到情緒？家燕姐再次泛起淚光，說：「Michael走咗個幾月，坦白講我都未釋懷。之前仔女同我去外地旅行，勸我放低，要開心番啲，Michael都走得安詳。但有網上睇返好多合作片段，腦海好多浮現，一下子接受唔到佢走咗。今日現場見到Clara（黎小田助手）佢都話唔敢太近，因為知道大家一見面會喊，但今日個場面真係好感觸。」隨後家燕姐獻唱《胭》，她多次強忍淚水，唱畢後，家燕說：「Michael, I Love You！」
黎小田和張國榮相處短片。
