Keep住幸福呀！
家燕姐好開心鼠年的工作表已排得滿滿，同時跟男友又和好如初。
自1996年為TVB拍連續劇《真情》開始，「好姨」薛家燕旺足24年，連續3年喺《開運王》系列賀年節目助陣外，深夜時段都重播她6年前主演的作品《新抱喜相逄》。家燕姐坦言今年會Keep住旺，事關經理人珊珊(囡囡石祐珊)經已將她的schedule排到滿滿，年底前都好full！提到去年中秋節時自爆因為約咗男友食飯甩底險情海翻波，家燕姐笑言啱啱箍煲成功，可擔心再被詐型？家燕姐帶點尷尬笑容作出承諾：「呢啲我會搞掂。」更怕醜表示年紀唔細，拍拖不能太激情，「淡淡咁牽掛對方就OK。」
之前家燕姐同A君去日本福岡旅行時，兩人手拖手影興咗幾年嘅情侶「Follow Me」相，睇吓家燕姐幾少女。
年半前，薛家燕揚言待完成紅館《愛你無限60年演唱會》後，便會減少工作抽多點時間陪伴等足14年的圈外男友「A君」，但新一年工作量唔會比以前少，對於再食言，家燕姐急急解話：「我贊成珊珊幫我接多啲show，一來年紀大，二來喺呢個時候仲有機會做節目，令到大家開心，其實係我哋榮幸，我哋福氣，如果平日唔使做嘢，留喺屋企都唔知做乜好，又冇收入，家入廠好開心，食飯有人陪傾偈，節目又有人睇！」在旁的黎諾懿即反問：「家燕媽媽你點會冇收入呀？你瞓緊覺都喺度搵緊錢㗎喎！你唔好呃我喎！不過，我成日同家燕媽媽講，工作、家庭、健康係要取得平衡，要夠休息先好，藝人有工作係福份，我都試過低潮期望天打卦嘅日子，家開始成熟，唔似得年青人係咁衝，都開始要取捨。」
薛家燕讚好黃祥興及黎諾懿都是愛家的好男人人辦。
對於家燕姐的選擇，「A君」可會有微言？家燕姐大笑說：「呢啲我會搞掂佢，今年會搞得妥妥當當，年初七開工前抽幾日時間陪吓佢去玩，咁平時我哋都時不時見吓面嘅，因為我哋呢啲年紀(3月30日「登七」)感情唔好太濃，太濃自己抽唔返出嚟好麻煩㗎，淡淡咁牽掛住對方，久唔久一齊食吓飯，講吓心事咪好囉。不過，佢同我嘅睇法好唔一致。」問到男友是否對她太癡情時？家燕姐一臉靦腆，欲言又止說：「又唔係，點講呢，真係唔識講！」黎諾懿見狀取笑她說：「家燕媽媽好少會咁喎，你都有嘢唔識講？平時冇㗎喎！」回復少女心模樣的家燕姐說：「哈！點講呢，我哋互相慰寂啦。」為怕被追擊戀情，家燕姐即轉話題，透露師傅指她年年桃花，但屬於觀眾緣啫！
家燕姐生日願望，希望可以多啲時間同家人一齊。
問黎諾懿想家燕姐拍多啲拖定做多啲嘢？家燕姐卻搶答：「拍拖都要選擇性，我要搵黎諾懿、黃祥興（原名黃長興，另名黃致豪）幫手過吓目，因為佢哋係人辦，兩個都好愛錫家庭及子女。」黎諾懿乘機澄清唔係懦夫：「師傅成日話我哋怕老婆，我哋唔係怕老婆，係尊重老婆、錫老婆，女人娶返嚟係要錫嘅。」家燕姐忍唔住開心share：「我男友都好尊重我㗎，唔尊重我唔會等咁耐。」
講到新年願望，家燕姐希望香港運勢好轉：「面對逆境，我哋係要努力奮鬥，唔好有乜怨言，盡我哋能力去做啦，希望一呼百應過度到呢個難關。去年雖然工作量不變，但收入減少咗，收個價係平咗啲。」黎諾懿表示認同：「呢段時間收平少少，又帶到歡樂畀人，我覺得ok！」黃祥興點頭和應：「大家明白處境，共度難關啦。」
曾比特還坦言：「未有資格成為一個爸爸。」
全新綜藝節目《香港婚後事》由《婚後事》四位主角陳自瑤（Yoyo）、賴慰玲、黎諾懿及羅天宇，今晚（4月26日）播出的第二集邀請了為劇集《婚後事》翻唱主題曲《傾城》的曾比特（Mike）任嘉賓，Mike更罕有地在螢幕前分享愛情觀及對婚姻的看法。
今集一眾主持唔知道神秘嘉賓係邊個，單靠結他聲估嘉賓真正身份。
今集一眾主持唔知道神秘嘉賓係邊個，單靠結他聲估嘉賓真正身份。
Yoyo一估就估中，犀利！
Mike以神秘嘉賓身份彈著結他出場，Yoyo聽到結他聲一秒即估中Mike是嘉賓，大讚有才華的男人有魅力，Mike還會自彈自唱《傾城》，令在場人士聽出耳油！隨後諾懿、Yoyo等人化身小記者追問Mike的感情觀，包括對結婚生子願景和規劃，及探討十大男生最討厭女生行為等。
曾比特（Mike）即場自彈自唱《傾城》，在場人士聽到耳朵懷孕！
曾比特（Mike）即場自彈自唱《傾城》，在場人士聽到耳朵懷孕！
曾比特（Mike）即場自彈自唱《傾城》，在場人士聽到耳朵懷孕！
談到婚姻議題， Mike有感「結婚」在現今社會變得形式化，並謂伴侶相處溝通才是最重要：「結完婚都可以離婚，只係一張紙。如果同佢好close、大家相處好有愛嘅話，結婚係令大家段關係更加昇華；相反，本身唔係相處得特別好，結婚只不過係將呢個形式轉去第二個形式，冇解決過問題。」Yoyo問到將來可會跟伴侶生兒育女時，他坦言：「未有資格成為一個爸爸。」Mike何出此言？就要留意節目喇！
Yoyo、賴慰玲、黎諾懿化身小記者訪問Mike愛情觀及對婚姻睇法。
Yoyo、賴慰玲、黎諾懿化身小記者訪問Mike愛情觀及對婚姻睇法。
Yoyo、賴慰玲、黎諾懿化身小記者訪問Mike愛情觀及對婚姻睇法。
羅天宇反被Mike追問感情事，搞到佢尷尬地係咁傻笑！
黎諾懿和羅天宇本集還有額外任務，就是盤點網絡十大男生最討厭女生行為，二人揭曉答案前訪問了Mike的想法，他指最怕女生約會遲到，並搞鬼以「我個朋友」身份分享曾等足7小時的深刻經歷。另問到Mike可接受監控狂女友時，他直言不介意遭另一半查看手機，大前提是頻率問題：「半個鐘睇一次就over得滯！點樣令佢有安全感，呢個可能係我嘅責任。」及後黎諾懿又拋出情境題「如果你有個女朋友話『我唔鍾意你個頭，剪咗佢』，你O唔OK？」，Mike全部有問有答，到底答案係乜？
大家齊齊探討「十大男生最討厭女生行為」。
大家齊齊探討「十大男生最討厭女生行為」。
本集焦點除了落在嘉賓身上，作為主持的賴慰玲和羅天宇亦成為被爆料及「攻擊」的對象！阿賴被爆酒量淺，在拍攝節目的第一天已因宿醉嘔吐，黎諾懿遂踢爆阿賴前一晚僅喝了兩杯啤酒：「隔咗咁耐，以為講笑，點知真係嘔！我哋真係錫佢，冇拍到佢嘔，點解唔拍佢嘔呢？」
賴慰玲被黎諾懿大爆飲咗兩杯啤酒，翌日拍拍吓節目中途去嘔！
賴慰玲被黎諾懿大爆飲咗兩杯啤酒，翌日拍拍吓節目中途去嘔！
至於天宇則躺著也中槍，瘋狂被眾人輪流「攻擊」玩暗寸：「咁你呢？鍾意咩類型？」、「你講就最有公信力」等，搞到天宇尷尬又無奈，不停傻笑；經過一輪猛烈夾攻，天宇大談對「公主病」及「拿前任來比較」等討厭行為的看法，內容豐富又爆笑。節目特色之處，是除了由第二集開始、每集會不定時放送「惡搞小劇場」及真人騷彩蛋，今集天宇在彩蛋中會繼續被「蝦」，最終更要「露宿街頭」，到底搞乜？萬勿錯過。
大家傾得好開心！
大家傾得好開心！
同場加映彩蛋片段。
同場加映彩蛋片段。
今晚一集有「惡搞小劇場」。
今晚一集有「惡搞小劇場」。
今晚一集有「惡搞小劇場」。
今晚一集有「惡搞小劇場」。
今晚一集有「惡搞小劇場」。
今晚一集有「惡搞小劇場」。
今晚一集有「惡搞小劇場」。
