自爆不滿老公曾換門鎖發癲吳若希：爆門打爛全屋所有嘢

娛圈事

自爆不滿老公曾換門鎖發癲吳若希：爆門打爛全屋所有嘢

2020年01月30日 21:55 最後更新：22:45

好暴力......

吳若希（Jinny）在之前播映的劇集《多功能老婆》飾演黃嘉樂的野蠻女友蘇蝶，黃嘉樂上她有份主持的《姊妹淘》節目受訪，Jinny自爆這角色是做回自己時，還爆料在跟老公何兆鴻（Alex）拍拖時曾分開過一段時間，做出過瘋狂行徑，把另外兩位主持張寶兒和蔡嘉欣嚇壞。Jinny自揭真本性，說：「得唔到我要嘅結果就Chur，連佢個人都搶唔到就會癲咗，嗰陣時上咗佢屋企打爛晒所有嘢，包括電視、魚缸、花樽。」

Jinny說當時令她忟憎的原因，是Alex換了家裏密碼鎖，雖然當時二人正分開，但她說：「好嬲，點解要換鎖，攞到明要隔開我，即係以後諗住唔見我啦！」於是她找來開鎖佬「爆咗佢屋企個鎖」，她也自認當時是最差最激的一次，但卻謂：「鬧交好講求默契，一個願打一個願挨，我覺得我哋兩個之間關係存在呢樣嘢，我幾enjoy呢個關係，某程度增進感情。」

往下看更多文章

吳若希與老公肉緊啜囡囡面珠慶7歲生日激罕公開Giselle正面樣

2024年04月24日 20:00 最後更新：04月25日 12:01

Giselle與媽媽如餅印一樣

31歲吳若希（Jinny）於2017年與何兆鴻（Alex）結婚，並育有一女一子，Jinny亦都經常會在社交平台分享一家四口的相片，但一直將女兒Giselle（淼淼）保護得好好，幾乎沒有公開過她的正面樣。4月23日是Giselle的7歲生日，Jinnypo相為她慶生的同時，終於公開女兒相貌，與媽媽如餅印一樣！

近日Jinny在社交平台貼出慶祝女兒生日相片，她和老公一如以往左右夾擊啜囡囡面珠，並留言：「我真係唔知可以再啜到去幾多歲，今年已經啜到好似要打交咁。」激罕曝光Giselle正面，與媽咪吳若希如餅印一樣，Jinny寄語囡囡：「諗咗好耐應該同你講咩，喺你小時候，對你可能有好多期望，希望你開心，希望你快樂，希望你善良，希望你勇敢。但係漸漸地發現，我希望你做到嘅嘢，你全部都做到，有好多我唔expect你會做到嘅嘢，你都做到！睇住你慢慢進步，做媽咪嘅真係好安慰。」Jinny感歎時間過得很快，轉眼間，女兒已經七歲，「開始慢慢接觸外邊的世界，有自己嘅圈子同埋自己嘅諗法，媽媽會繼續做你嘅好朋友，隨時準備好耳仔，聽你分享你嘅生活同心情，媽媽愛你！」網民亦留言大讚：「家姐似足mama你大眼睛咁靚女」、「家姐好靚女，未來香港小姐，又遺傳媽咪咁高。」