未打算組織家庭 JW關楚耀保證鼠年「無意外」

咁幾時先有「意外」？

過去一年王灝兒（JW）同關楚耀（Kelvin）成績都不，除了各自出咗兩首歌曲外，還一齊走埠，去了英國開演唱會，踏入新的一年，兩人孖住同門董嘉儀（LuLu）及王曉君（Elaine）一齊食開年飯開心歡聚。席間被問到成日同富貴男友Tarzan放閃的JW會否做鼠年新娘？她就堅決話無計劃，又話深信鼠年不會出意外（懷孕）！語畢即追問關楚耀，令Kelvin都尷尷尬尬話：「我都會好安全。」

王灝兒、關楚耀

JW同阿關成為拍擋兼好友。

今年王JW、Kelvin、LuLu及Elaine選了食中菜，包括有鴻運豉油雞、發財好市、嘻蝦大笑、年年有魚、同生財生菜賀年，JW還考急智大講意頭話：「食過黃金蝦，做嘢唔會畀人蝦；食過豉油雞，周身冇閉翳！」Kelvin大笑回話：「食過豉油雞，大家唔會曳！」Elaine接住說：「食咗蝦醬生菜就人見人愛！」LuLu唔執輸說：「發財蠔鼓做嘢唔會屎！」

董嘉儀、關楚耀、王灝兒及王曉君開開心心食開年飯。

去年JW推出的歌曲《年末感恩》及《逃生門》反應好好，今年會乘勢追擊，所以唔打算做少奶奶：「我哋係開心嘅，希望新一年Keep住開心，多謝大家關心，但同男友喺工作上各自有大計，暫時唔會喺鼠年結婚。我係傳統嘅女仔，一定唔會有意外，呢方面我交波畀阿關，問吓佢會唔會突然有咗BB呢？」

JW冇諗過今年雙囍臨門。

Kelvin即一面尷尬回應：「我都好安全！雖然見身邊人好幸福，都好想有自己嘅家庭，而且都認定咗女友Joann，但仲未有呢個plan，反而妹妹關美薇（Natalie）今年9月會爬頭出嫁。」提起空姐女友，關楚耀自爆女友對他外表好有要求：「佢成日取笑我肥咗同脹咗好可愛喎，其實我好唔開心，因為我係走有型路線，依家唯有努力keep fit。」

好索嘅Joann係兼職模特兒，阿關已將她私有化。

關楚耀妹妹關美薇今年9月會爬頭哥哥頭出嫁。

另外，育有一子一女的Elaine要平衡工作和家庭，最重要抽些少私人時間給自己做運動；至於剛考了瑜伽牌的LuLu話多一個技能來裝備自己，希望新一年可以推動到大家多做瑜伽。

Elaine時常提醒自己要優雅咁管教子女，作為潮媽要以身作則。

LuLu同蘇麗珊都熱愛做運動。

JW王灝兒透露計劃今年內更會在英國開設分店，並希望不久將來能夠進駐馬來西亞、菲律賓及泰國等地。

由藝人JW王灝兒開設的泰國椰子主題甜品茶飲店「茶大椰」日前於尖沙咀正式開幕，一眾圈中好友親臨到賀，當中包括陳瀅、周嘉洛、羅天宇、江若琳、蕭唯展、馬天佑、Sue Chang等，場面熱鬧。

JW開設的泰國椰子主題甜品茶飲店「茶大椰」於尖沙咀開幕。

一眾圈中好友親臨到賀！

周嘉洛、馬天佑、JW、羅天宇、陳瀅

蕭唯展、JW、江若琳

茶大爺嚴選純天然成分，運用新鮮椰子水、椰奶和優質原葉茶作創新配搭，開創出獨樹一幟的椰子茶系列。茶大椰為深受歡迎的鮮椰特飲和甜品注入平衡得宜的口感與天然滋味，勢必帶來一股椰子新風潮。JW接受表示：「自己對健康的關注度比以前高，同時亦想尋找更健康的選擇。因此和朋友一起引入『茶大椰』，結合飲食和健康。今年內更會在英國開設分店，希望不久將來能夠進駐馬來西亞、菲律賓及泰國等地。」

JW透露計劃今年內更會在英國開設分店。

品牌具有專責產品開發團隊，而每逢有新品JW都會先親自試飲，確保新品質素和口味附合水準，同時為消費者帶來新驚喜。首次榮升老闆，JW除了要打理好茶飲店的業務細節外，亦要兼顧演藝事業。被問及會否分身不暇，JW指：「自問我都算是一個『時間管理大師』，加上有好好的合作伙伴，能容許我兼顧不同的角色和崗位。2024年除了生意外，都會集中火力在音樂方面，目標是開音樂會！」

JW、陳瀅

羅天宇、JW