好事近！
現年38歲的袁偉豪（Ben）與張寶兒（Bowie）拍拖兩年多，愛得甜蜜的兩人不時傳婚訊，可惜一直只聞樓梯響。去年5月，Ben認同女友傾過結婚，當時還說若搞婚禮都要1年後，亦不諱言袁媽媽都恨「飲新抱茶」；後來他更傳獲高人指點，再加上受去年11月做老襯的陳山聰感染，終於決定今年迎娶Bowie！踏入鼠年第一步，一對準新人便率先同居試婚，上周兩人拍住拖到銅鑼灣揀家品，又物色「心頭貓」，莫非想共同撫養貓仔先，當作做爹哋媽咪的入門訓練？最後，這位未來好女婿還陪張爸爸看車，實行外父政策！
點擊看圖輯
好事近！
袁偉豪（右）和張寶兒於2017年因合拍旅遊節目《打工捱世界Ⅱ》而撻着。
袁偉豪與張寶兒於2017年因合拍旅遊節目《打工捱世界Ⅱ》而撻着，二人拍拖兩年多以來頻頻傳出婚訊，至去年9月再被爆決定今年拉埋天窗！《頭條日報》報道，上周三（29日）晚上約7點，兩人到百德新街的家品專門店Francfranc添置家居用品，見兩人對一張折後只售686蚊的大地氈相當感興趣，Ben還又揭又摸，女友就在側邊畀意見，不過不知女人仔是否要格價先呢？Bowie拎住手機影一影個花款同價錢，然後再商討一輪，最終搞了20分鐘都是沒有買到。接着，Ben覆了個Message後，兩人便走到附近的寵物店，甫進店內，他們即隔住玻璃撩貓咪玩，不久Ben就手指指問職員價錢，結果謹慎購物的他望多一陣，最終去了另一間店再物色「心頭貓」。
袁偉豪（右）看中這款地氈，但精明的張寶兒想格吓價先。
今次見Bowie對住個籠上下左右看，好似有心水，男友都好識做，即刻叫職員：「開籠，Please！」對方幫二人雙手噴過消毒酒精後，立馬拎隻體形特大的緬因貓給Ben抱，而Bowie就不斷捽貓咪塊面，愛不釋手 ，之後還「挨」男友給他抱，不過做開「狗奴才」的她似乎不多識抱貓，搞到隻「巨貓」的手手腳腳一路沉落去，好似好辛苦，場面搞笑！然而，Ben於去年11月才養了一隻緬因貓Marky，短短兩個多月再添新成員，看來是因為家中多個女主人，擔心「主子」呷醋，所以物色多個伴畀Marky，順道讓Bowie練習一下照顧小生命，為未來做媽咪作準備！不過最後兩人都無拎貓返歸。
貓咪換張寶兒（左）抱，輪到袁偉豪係咁撩貓玩。
袁偉豪去年11月才升呢「鏟屎官」，還不時於社交網分享「主子」Marky靚相。
張寶兒的娘家亦於前年起，養了一隻松鼠狗Bingo。
離開寵物店後，兩人便會合Bowie的父母和弟弟，到信和廣場的Jaguar & Land Rover車行，見三個男人圍住一部價值80多萬的SUV型號Evoque研究，Ben還一直傍實未來外父又Check車籠又畀意見，未來舅仔都在旁「密密斟」，關係非常Close，看來他已經融入張家之中，走的時候張爸爸都笑笑口，應該都好滿意Ben的協助，最後一行五人又行番去寵物店看貓，估不到揀貓都要問准老人家意見，果然是一個「好女婿」！
眾人圍埋一齊研究價值80多萬的SUV車。
過程中，「未來女婿」袁偉豪同張氏一家都相處得好愉快。
最後兩人又帶大家去看貓，袁偉豪還同張媽媽（左）談貓經。
有傳袁偉豪今年迎娶張寶兒，兩人最近便率先同居試婚。
袁偉豪（右）和張寶兒於2017年因合拍旅遊節目《打工捱世界Ⅱ》而撻着。
袁偉豪與張寶兒於2017年因合拍旅遊節目《打工捱世界Ⅱ》而撻着，二人拍拖兩年多以來頻頻傳出婚訊，至去年9月再被爆決定今年拉埋天窗！《頭條日報》報道，上周三（29日）晚上約7點，兩人到百德新街的家品專門店Francfranc添置家居用品，見兩人對一張折後只售686蚊的大地氈相當感興趣，Ben還又揭又摸，女友就在側邊畀意見，不過不知女人仔是否要格價先呢？Bowie拎住手機影一影個花款同價錢，然後再商討一輪，最終搞了20分鐘都是沒有買到。接着，Ben覆了個Message後，兩人便走到附近的寵物店，甫進店內，他們即隔住玻璃撩貓咪玩，不久Ben就手指指問職員價錢，結果謹慎購物的他望多一陣，最終去了另一間店再物色「心頭貓」。
袁偉豪（左）與張寶兒以「Sharp色情侶裝」到銅鑼灣逛家品店。
袁偉豪（右）看中這款地氈，但精明的張寶兒想格吓價先。
今次見Bowie對住個籠上下左右看，好似有心水，男友都好識做，即刻叫職員：「開籠，Please！」對方幫二人雙手噴過消毒酒精後，立馬拎隻體形特大的緬因貓給Ben抱，而Bowie就不斷捽貓咪塊面，愛不釋手 ，之後還「挨」男友給他抱，不過做開「狗奴才」的她似乎不多識抱貓，搞到隻「巨貓」的手手腳腳一路沉落去，好似好辛苦，場面搞笑！然而，Ben於去年11月才養了一隻緬因貓Marky，短短兩個多月再添新成員，看來是因為家中多個女主人，擔心「主子」呷醋，所以物色多個伴畀Marky，順道讓Bowie練習一下照顧小生命，為未來做媽咪作準備！不過最後兩人都無拎貓返歸。
張寶兒（左）似乎好鍾意這隻巨型緬因貓，不斷捽貓咪塊面。
貓咪換張寶兒（左）抱，輪到袁偉豪係咁撩貓玩。
袁偉豪去年11月才升呢「鏟屎官」，還不時於社交網分享「主子」Marky靚相。
張寶兒的娘家亦於前年起，養了一隻松鼠狗Bingo。
離開寵物店後，兩人便會合Bowie的父母和弟弟，到信和廣場的Jaguar & Land Rover車行，見三個男人圍住一部價值80多萬的SUV型號Evoque研究，Ben還一直傍實未來外父又Check車籠又畀意見，未來舅仔都在旁「密密斟」，關係非常Close，看來他已經融入張家之中，走的時候張爸爸都笑笑口，應該都好滿意Ben的協助，最後一行五人又行番去寵物店看貓，估不到揀貓都要問准老人家意見，果然是一個「好女婿」！
之後，兩人會合張爸爸（右二）與張寶兒細佬（左二）去信和廣場看車。
眾人圍埋一齊研究價值80多萬的SUV車。
過程中，「未來女婿」袁偉豪同張氏一家都相處得好愉快。
最後兩人又帶大家去看貓，袁偉豪還同張媽媽（左）談貓經。
