為電影首創作兼主唱插曲 胡子彤自爆靈感來自戀愛經驗

對於感情，子彤話暫時以工作為重。

胡子彤最近首度為有份演出的電影《Baby復仇記》唱插曲《那時候》，而且還親自填詞，他坦言跟做演員一樣是無心插柳下的機會，好感激公司肯給他嘗試，是自爆歌詞是他將自己戀愛經驗寫成，更希望有朝一日可為自己主演的電影創作及演唱主題曲，而他趁住近期受新冠肺炎疫情影響，休息期間會好好裝備自己。

子彤為做好歌手，近期除了學唱歌，還不停睇書增內涵，有助未來創作。

戲中子彤演湊仔公，覺得好新鮮。

子彤今次有機會唱插曲，原來跟入行拍電影一樣，都是誤打誤撞，「有時公司食飯去唱吓K，老闆、同事聽完問我想唔想試吓唱歌，我嗰時抱住入行做演員嘅心態，有機會就試吓囉！就咁公司就搵咗啲歌畀我，途中又叫我試吓創作，咁啱創作途中，就拍咗《Baby》，公司覺得咁啱同電影嘅題材好類似，不如就當係電影歌曲一齊做，第一首電影插曲《那時候》就咁出現咗。」至於目標，子彤就直言：「如果主演電影唱埋電影主題曲，係對一個演員或者歌手幾特別嘅事，我都好希望做到，我之前拍落嘅戲，唔知有冇機會可以傾吓呢！？」

子彤話第一次入錄音室超緊張，亦發覺唱歌仲有好多不足要惡補。

子彤同好兄弟朱鑑然（右）在戲中有不少對手戲。

早前跟「女飛魚」歐鎧淳結束三年情的子彤，更坦承今次歌曲的歌詞全部來自親身感情經歷，「當然同自己經歷有關。（嗰排感情出問題？）嗰陣時未係好大問題，反而係唔同階段嘅經歷擺咗喺首歌入面，唔算係愛情觀，係每個人有嗰個畫面，不論係男仔定女仔，佢哋對愛情第一次手忙腳亂，唔知點做。」

去年12月，傳歐鎧淳移情同性籃球員倪碧賢 ，並宣布跟子彤分手。

講到感情生活，子彤話暫時以工作為重，至於揀對象的要求，他好輕鬆話：「我冇特別，都係睇感覺，唔會話一定長頭髮、大眼、皮膚白。（鍾意電影會唔會好啲？）咁會多啲話題，會好啲，不過都係冇特別諗，隨緣啦！」

「避炎」不用開工的日子，子彤頻頻練拳保持狀態。

林峯、劉俊謙、胡子彤同張文傑齊齊分享拍攝《九龍城寨之圍城》期間的趣事和感受。

ViuTV節目《周六食花生》逢星期六晚上8時30分播放。節目由陳俞希（Hailey）、李禹燊（Oscar）和黃汛一（Jake）擔任主持，每週請來不同嘉賓介紹新作及暢談近況。同場亦會請來幾位敢言、有特色的「花生友」一起探討與嘉賓相關的生活話題。明晚（4月27日）播出的一集，邀請到《九龍城寨之圍城》的團隊，包括林峯、劉俊謙、胡子彤同張文傑擔任嘉賓，分享拍攝期間的趣事和感受。

今集嘉賓邀得《九龍城寨之圍城》演員作分享。

今次戲中有大量打鬥場面，林峯自爆受傷驚險事：「有個動作係要S字形走位，之後去檢查嗰陣先發現原來十字韌帶斷咗一半。仲有次試戲嗰陣，係二樓同武師對打。個情景就係佢要向我進攻，我就要向後退。點知，我就唔小心差錯腳，就由二樓跌咗落一樓。好彩下面有一堆道具墊住，就無點受到傷。最唔抵係當時未roll機，無拍到。」而劉俊謙就分享指拍攝期間，就不小心被電單車死氣喉燙傷小腿；而胡子彤則意外被踢傷下巴，需縫14針。

劉俊謙

劉俊謙拍攝期間不小心被電單車死氣喉燙傷。

胡子彤分享意外被踢傷下巴的經歷。

談及對彼此的印象，劉俊謙笑言小時候是看《尋秦記》長大，所以林峯是陪自己成長的一個大哥哥，並指其十分溫柔和細心：「佢知道我非常喜歡金莎。有日拍到好攰，佢就遞咗盒金莎送俾我。個刻真係覺得，個盒金莎係我嘅所有。」被問及下次4位兄弟合作會想拍甚麼題材，林峯笑言想拍一齊拍BL四角戀，令在場所有人都哭笑不得。

林峯盼開BL戲大玩四角戀。

林峯盼開BL戲大玩四角戀。

林峯獲劉俊謙讚溫柔細心。