Pizza Hut X IKEA?
「Pizza Hut HK」fb圖片。
社交媒體發達的時代，大家都不時用Facebook及ig去分享生活日常。近日香港的Pizza Hut在官方Facebook發佈一張外賣員躺在宜家家居（IKEA）分店沙發的照片，隨即引起網民討論，推測小編是否用錯帳戶出事。帖文其後引來「IKEA宜家家居」的小編，兩者在下面留言互動，更加引起網民的好奇心。
「Pizza Hut HK」fb圖片。
Pizza Hut昨日突然在Facebook上發佈一張照片，一名外賣員躺在IKEA分店的沙發上閉目休息，枱面放有Pizza Hut的外賣保溫袋。帖文並沒有附上任何文字解釋，引起網民好奇心，紛紛留言猜測：「小編唔記得ac？」、「pizza hut爆單爆到七彩，宜家傢俬拍烏蠅？」、「公審員工？」
「Pizza Hut HK」fb圖片。
帖文在短短1小時已經吸引逾2000個讚好，IKEA小編隨後亦留言：「張梳化係咪舒服到唔想返去開工呢？Pizza Hut HK嚟得IKEA宜家家居無食過我哋既肉丸點算嚟過呀？等我哋寄啲肉丸俾你哋慢慢食啦！」，Pizza Hut更鬼馬回說：「兩盒，thx。其實外賣哥哥犧牲色相都係為咗咁啫！」、「多謝晒IKEA 宜家家居嘅瑞典肉丸，我哋班同事食到唔捨得走，決定通宵OT，研究吓pizza同肉丸之間嘅可能性！」。
兩個小編的互動即引起網民關注，由於兩者均屬怡和集團旗下品牌，有網民猜測只是兩間公司的合作推廣帖文。而Pizza Hut及IKEA回應傳媒查詢時，亦表示兩間公司即將展開合作。
街坊目睹啟德連鎖快餐店內，疑有人開班教畫畫，8人佔了3張枱，堆滿畫具畫紙。一原因令網民意見兩極。
(FB圖片）
連鎖快餐店內疑有人開班教畫畫
該街坊於Facebook群組「啟德居民自由講」發文，表示日前到區內某連鎖快餐店吃早餐，竟看見有一群年輕人正在開班畫畫「一早嚟食早餐，開足幾枱畫班，好心要教去會所教丫」。從樓主上截的照片可見，當時有一行8人佔據了3張枱，其中兩張枱上放滿了畫具及餐點，他們一邊吃東西一邊畫畫。
圖片來源：大快活官網
年青人點餐消費，用餐後繼畫畫
樓主不滿他們在繁忙時段佔枱畫畫，令有需要用餐的人無法找到位置「已經沒曬位，仲要開曬架攞正牌咁，霸曬啲位畫畫」，不過由於他們有消費，所以沒有要求店員趕走他們。樓主又指責他們吃完餐點後並未立即離開，而是繼續佔位畫畫「佢邊食邊畫食完就閃，我覺得係可以，但食飽左繼續坐定定畫畫就有點over」。
示意圖。設計圖片
網民批評無公德心
帖文引熱議，不少網民認為在快餐店開班畫畫太離譜「好無公德心」、「可以咁樣畫畫架咩，大開眼界」、「大把人一家大細喺度等位，佢地真係好意思」、「無公德心，仲有資格教小朋友」、「賣保險同補習都算，開畫班真係誇左啲」、「顏料有機會整污糟d枱櫈，真係唔係幾好」、「有人落兩被逼入室內畫，點解要餐廳同其他等位嘅人埋單？」、「温書還可接受，開壇畫畫會唔會離譜啲呀」。
（FB截圖）
網民估計另有原因
亦有人認為並無不妥「人哋有消費，點解唔得？」、「個個都係咁架啦，只係有人玩電話，有人睇報紙，咁畫畫又有咩問題」；有網民則估計，他們參加了原本在啟德車站廣場附近舉行的畫畫活動，後來因惡劣天氣才會移到室內「本來是在公園，應該是後來落雨，應該不是居民，因為好大班人，有D去左airside d食肆」、「刪咗佢喇，因落雨先咁樣，你影到日日咁樣先出嚟講」、「今朝橫風橫雨！咁多小朋友入嚟餐廳避雨，繼續上堂，有買餐飲，啲comments 做乜咁小氣？」
帖文來源：Facebook群組「啟德居民自由講」
