神隱兩周單拖食lunch 袁詠儀愁樣帶魔童睇醫生

保重身體。

張智霖（Chilam）上月跟成龍、曾志偉、譚詠麟等出席一個飯局後，惹來大批網民不滿並洗版式狂轟，連太太袁詠儀（靚靚）和兒子張慕童（魔童）都不能倖免，兩夫妻都不敢再在社交網站「露面」。

Chilam上月因出席一個飯局而遭網民砲轟，連靚靚和兒子魔童都受牽連。

上月8日，靚靚仍於社交網晒慶祝結婚19周年的甜蜜照。

事發後，張氏夫婦甚少更新社交網，Chilam最後一次貼出的太陽照已是上月底嘅事。

其後，見有人在社交網站留言同囝囝講：「對你爸爸好失望。」護子心切的靚靚都忍不住回覆：「小朋友沒有做任何錯的事，可否不要這樣對小朋友嗎？謝謝。」本來以為大家會高抬貴手，事件告一段落，未料卻引發更多批評。是非纏身的靚靚，近兩星期無Update過社交網站，前日終於趁三八婦女節貼出一張近照。

魔童間中都有Update Ig，但因遭受惡言攻擊而狂刪Po。

靚靚就好低調地於婦女節貼出背影照。

上周一（2日）下午約2點45分，靚靚獨自現身中環Landmark cafe食飯，未知是否擔心感染新冠肺炎，她都高度戒備，刻意選坐角落避開人群，其間脫下口罩的靚靚沒有化妝，一臉憔悴，還不顧儀態擘大個口大啖食，之後，她又拿出手機邊食邊覆Message，不知和電話中人說什麼，靚靚講到一時皺眉，一時又翻白眼，看上去幾煩惱。食飽後，她便從信封中取出口罩，蒙好面後再叫埋單，為免雙手掂到污糟錢，靚靚亦選擇碌卡找數。

估計靚靚好肚餓，完全旁若無人地擘大個口鯨吞食物。

食Lunch期間，靚靚拎住手機講不停，仲講到翻晒白眼。

靚靚食完飯，即刻從信封取回口罩戴上。

隨後，靚靚拿住個大紙袋走出門口，在街頭等了約10分鐘，7人車終於駛至，但她並非打算乘座駕離開，而是接囝囝魔童和傭人，行到去附近的中建大廈看醫生，見魔童戴上口罩、頭髮凌亂，看上去沒有平時那麼精靈，應該是病了！最後等足兩個鐘都不見人，相信三人應該發現了記者，故特意從另一個出口離開。

靚靚拎住個大紙袋等車，其間仍不停撳手機。

將戰利品放上車後，靚靚便帶魔童及傭人行去中建大廈。

靚靚會合囝囝魔童去睇醫生，病咗嘅魔童睇落都冇咁精靈。

3人入咗大廈兩個鐘都不見影，估計從另外出口離開了。

詹瑞文揚言《即興之王》至少都會做100場，更希望可以將演出帶到去星馬、美加等地，同當地華人或者香港人一同分享！

詹瑞文（Jim sir）一共六場的單拖喜劇《即興之王》於日前完滿結束。闊別舞台8年，Jim sir很開心今次6場演出能順利完成，更於完show後，「即興」宣布馬上籌備Round 2！

Jim sir 6場《即興之王》順利完成。

Jim sir表示：「我真係好開心，好感恩啲觀眾好投入，同埋大家由世界各地不同嘅地方，飛嚟支持我。呢個係我人生中同事業中都好重要嘅一個作品，所以我響度宣布，我個show係唔會只做幾場嘅，至少都會做100場，呢個係我一個願望，而我呢個願望亦一定會成真。今年希望呢個show，可以帶到去星馬、美加等地，同當地華人或者香港人，一起分享呢個快樂！」

Jim sir好感恩觀眾好投入。

更揚言會做100場。

更希望將《即興之王》帶到星馬、美加等地，與當地華人及香港人一同分享。

Jim sir的演出得到不少藝人的支持，包括陳煒及老公陳醫生、姚子羚、何超儀及老公陳子聰、江若琳及老公Oscar、廖碧兒、林盛斌等，每位藝人完騷後，都對Jim sir的演出及即興之王整個show讃不絕口。甚少在香港露面的陳小春亦特別前來支持Jim sir ，更對Jim sir的演出讚口不絕，小春謂：「Jim sir響台上做緊咩，我就完全跟曬入去佢嘅世界去睇，好enjoy呀！」

廖碧兒

林盛斌

陳小春

而大多數與太太袁詠儀，一齊出現的張智霖，今次跟他結伴來睇show的，竟然換成甚少公開露面的兒子張慕童（魔童），魔童對這位「即興之王」的表現相當滿意，因為在這兩小時半的演出 裡，魔童多次睇到拍爛手掌兼開懷大笑，見到Jim sir扮女人以「moment姐」身份在台上玩做直播，整part演出魔童都笑過不停，當Jim sir即興坐在一位男觀眾的大脾上時，魔童更突然將雙手捉緊爸爸Chilam的右手，兩人「十五指緊扣」起來，父子倆都睇得相當肉緊，表現興奮！Chilam 謂：「Jim sir好有活力，我嚟學下嘢！好enjoy 、好chill，希望Jim sir做多啲，大家又睇得開心喲！」

張智霖與囝囝張慕童

魔童好滿意Jim sir扮女人「moment姐」。

魔童睇到笑唔停。

仲同爸爸Chilam「十五指緊扣」。