為咗靚可以去到幾盡？！
眾花旦小花出席大騷時，都會出盡渾身解數以最靚的一面示人，當中馮盈盈每次的打扮都令人眼前一亮，特別是2018年TVB台慶，她一身超性感的See-through晚裝，成為全晚焦點。盈盈日前作客鄭裕玲（Do姐）主持的電台節目《口水多過浪花》時，就大爆這條裙背後的「血」淚史。
資料圖片
網上圖片
盈盈指那條裙是造型師給她的選擇之一，由於資料相只見到正面，看不到側面，她當時被裙正面的繡花所吸引，直到裙從以色列千里迢迢寄到香港，她見到實物即被嚇到驚呼連連。
網上圖片
觀看相關影片按以下畫面：
於是造型師就建議她穿肉色T-Back，盈盈笑言其實當晚開騷她有著T-Back，「個故仔係咁嘅，嗰條裙其實係台慶前一禮拜先到，咁買咩肉色T-Back都係佢到咗我先去買，所以正式兩件事夾埋睇到個真實效果就係On show前嘅半個鐘......真係唔係太美觀，破壞咗個design。」最後，盈盈決定「除啦」！
問到會否驚穿崩、被指太搶鏡，甚至令公司高層有意見？盈盈坦言公司高層不會干涉藝人的衣著，但最驚就是會穿崩，並自爆當晚撞正生理期：「條裙唔容許有內褲，但又撞正唔方便嘅日子，好彩係用品上面有唔同嘅選擇，無論一塊塊（衛生巾）又好，一條條（棉條）又好，嗰晚係我人生第一次試用一條條......開騷前半個鐘係廁格入面，同自講無論點樣都要頂硬上﹗一定要做到！」Do姐聞言大讚盈盈當晚真的好靚，盈盈即笑言：「真係『血』淚史！」
網上圖片
Do問繼See-through終極性感後，會否有個性感準則是不能底於那條裙？盈盈直言對她的造型團隊來說的確有壓力和推動力，並指去年台慶中的「肚兜裝」才是她最大的突破，「當日啲風可以由個肚吹返上頸，再係胳肋底度出返嚟，感覺完全無著到衫，但出嚟效果都靚嘅。」
