如今立法會拉布攬炒無日無之，大家無晒感覺，最後都要市民自己找數。反對派又醞釀拉布拖死建議派錢1萬元的財政預算案，若然成功真是不知去那裏投訴。
立法會工務小組主席盧偉國。
立法會議員、經民聯主席盧偉國在東週刊撰民，為基層市民計數，話橫洲4000公屋單位工程，因為拉布等問題延誤一年，4000戶候輪公屋市民，以住劏房和公屋租金差別計，每個月俾多7000元，一年要俾多8.4萬，好大筆錢，要由每一戶基層市民自己找數。
盧偉國話，「市民因為橫州公屋項目拖延至少一年，白白用多幾多錢，我計出嚟自己都嚇咗一跳 ! 3億幾呀！」他認為要讓市民醒覺，知道攬炒為害！
盧偉國在東周刊的專欄文章。
盧偉國東周刊相關文章全文如下:
【橫洲公屋遲一年 四千住戶輸三億】
香港有人以「攬炒」為動員令，有人聽見「攬炒」就心驚肉跳！
建造業界係深受「攬炒」影響嘅受害者，失業數字對比其他行業更高。一月份香港平均失業率3.4%，而建造業數字就達到5.7%。喺新冠肺炎疫情影響下，雪上加霜，新公布嘅至二月份嘅全港平均失業率上升到3.7%，建造業失業率就升至6.8%，而就業不足率達6.2%！
當前工程界正面臨「工作鏈、供應鏈、資金鏈」「三鏈斷裂」嘅危機，幾十萬建造業界工人及專業人士嘅生計大受影響，中小企危在旦夕。有啲人慣於將民生掛喺咀邊，又話要為年青人帶來美好嘅未來，但實質上口是心非！各種形式嘅「拉布」、「攬炒」、「泛政治化」唔停止嘅話，整個建造業都受害，民生相關項目被延誤，廣大市民最終都會被拖累！
工務工程被拉布拖累嘅一個例子，係十八億元嘅「元朗橫洲公屋發展第一期工地平整及基本設施」項目，涉及四千個公屋單位。工務小組早於二0一九年三月已經通過該項目，提交財委會，結果因為議會拉布，又由於七月一日立法會大樓被嚴重破壞，財委會無法加會，拖拖拉拉之下，到今年三月十三日，先至獲財委會通過撥款。呢一年嘅拖延，使到四千個公屋單位再遲一年興建。試想下，四千戶輪候公屋嘅市民要多等一年，每戶現時嘅住所，即使係環境惡劣嘅劏房，假設比公屋租金每月要多支出七千元，一年每戶就多俾八萬四千元，咁四千戶共多支出幾多呢？係三億三千六百萬元呀！呢三億幾，係基層市民實際從微薄收入中攞出嚟㗎！「拉布」、「攬炒」、「泛政治化」嘅為害，唔需要我多講啦！
Sebastian
** 博客文章文責自負,不代表本公司立場 **
旅發局進一步擴大旅遊義工計劃，準備招募更多對旅遊業有熱情的市民尤其是年輕人，希望佢哋身體力行做好東道主的角色，同旅客分享各種旅遊主題和知識。
Sebastian去聽了這些義工分享的經驗，發覺原來喺旅發局做義工真係唔係「義工」兩個字咁簡單，佢哋的經歷有趣的一面，也有感人之處。
「旅遊義工」Agnes退休前任職跨國公司管理層。
退休前在一家跨國公司做管理層的Agnes，擔任旅遊義工計劃已經有12年的時間，有什麼令佢印象深刻的經歷呢？Agnes分享話，在2018年的時候，遇到一位英國來的老人家，帶住一家大細同一本相簿，想搵返相片中的景色拍照留念。原來呢一位英國老人家係喺香港出生，5歲時跟隨父母返回英國居住。根據呢位老人家的自白，他對香港的記憶全部來自父母影低嘅相。
收到呢個請求之後，Agnes就一心想幫佢完成這個心願，認真幫老人家研究攝影地點喺邊度。結果就發現，除了一個景點外，其餘全部都對得上，Agnes就教老人家如何去現場影返啲相。佢哋影相時甚至擺出了當年老人家父母的甫士。
因為參加義工計劃不是日日返工，每次服務時長僅需大約3個鐘，Agnes隔幾日才會去到尖沙咀旅遊咨詢中心當值。事件過去後，有天返時時，有旅發局同事搵到Agnes，話英國老人家來告別，留底紀念品俾佢。Agnes打開禮物一睇非常感動，原來係老人家的父母當年喺香港影的舊照片。Agnes覺得呢啲係老人家的獨家回憶，不敢收藏，因為承載咗佢對父母的緬懷。後來先知，原來老人家已將舊相數碼化，送俾Agnes嘅係拷貝，現在存放在旅發局。
Agnes話，每當想起這段回憶，自己能夠幫老人家完成心願，好有滿足感。
退休之前喺跨國企業做管理層的Agnes仲笑言話，做義工工作仲有一個好處，就係佢平時返工工作壓力非常之大，做義工反而係佢緊張的工作生涯找到放鬆自己的一種好方法。
由新加坡回流香港發展的Marco，透過參與「旅遊義工」計劃重新認識香港。
Marco做咗6年的義工，佢係土生土長的香港人，但之前去了新加坡定居工作，但仍然覺為香港「做番啲嘢」，於是加入到義工招募計劃，現在從新加坡回流回香港，更希望通過計劃喺香港服務遊客，將香港的旅遊咨詢同旅客分享。
由於曾在新加坡生活，熟番當地人的生活習慣和語這，在做旅遊義工時，可以運用經驗協助遊客，例如，了解新加坡沒有鵝，只有鴨供應，所以明白新加坡遊客到香港品嘗和購買燒鵝是熱門活動，他就一早了解定向遊客介紹。
做旅遊義工，除了要求兩文三語流利，如果識多一種語言，對工作就更有幫助。Marco就笑言，除了三語，他仲識講新加坡式的英文，咁接待新加坡遊客時，佢就有個人優勢，黎到香港玩的新加坡人亦會覺得有親切感。
最新一期的旅遊義工計劃已開始招募，一直去到5月31日截至。今年成功入圍咗呢個計劃的學員，除咗可以學習多項本地旅遊方面的知識，譬如傳統本地文化、購物、綠色旅遊等等，今年仲邀請到星級導師，教大家點樣做好旅遊使者。
各位如果有興趣都可以試下報名參加計劃，為香港旅遊出一分力，亦都係結識世界唔同地區朋友嘅好好機會。
