父子關係大躍進！
Coffee大呻老公Homeoffice，父子感情大躍進，令她在囝囝心中地位不保！
林芊妤（Coffee）與銀行高層老公翟志榮（Weng）結婚1年多，育有1歲半的兒子翟德彥（翟伯伯）。升呢人母後，Coffee幾乎日日於社交網晒囝囝萌照，兩母子感情仲好到一齊沖涼，見她無論做瑜珈、睇電視或瞓覺，阿仔都總在媽咪身邊黐到實，足以證明Coffee在囝囝心目中有幾咁重要！不過近日受新冠肺炎影響，Weng都轉為「work from home」，日日留在家中工作，自不然多了時間陪妻兒，因此Weng與翟伯伯的父子關係亦忽然大躍進，令Coffee的家中地位受動搖！
回想過去Coffee和囝囝感情深厚……
剛才Coffee於社交網貼出一家三口照，惟相中的她被「孤立」，翟伯伯卻無視「曾經最愛」的媽咪，投進爸爸Weng的懷抱，Coffee搞笑留言大呻：「Homeoffice令老公同BB嘅關係一日千里，頭先拍完片諗住叫佢一齊出露台行下，點知連眼尾都唔望吓我，而家真係唔使要阿媽㗎啦。#媽媽都是多出來的 #其實開心嘅 #我都係繼續返去剪片同拍片啦」
網上圖片
網上圖片
