滙豐小股東權益大聯盟要求以股代息。
滙控（00005）日前宣布不派息，令不少股民心碎。滙豐小股東權益大聯盟聯同順裕資產管理下午召開記者會求保留以股代息，並表明不排除就取消派息事件採取法律行動。期間有小股東哭訴對不派息感到晴天霹靂，指應由HK Bank改叫UK Bank，又直斥做法似賊。
小股東李女士（左）斥「估唔到滙豐好似個賊咁」。
大聯盟在記者會上，批評滙控違背對投資者的承諾及恒常做法，影響股東合理期望，亦嚴重違反市場經濟正常運作，他們同時建議滙控高層調整薪酬，並停發董事袍金至少1年。
在台上，獲邀出席記者會的小股東黃女士哭訴，指「諗住幾好吖，有3萬幾蚊息收，咁又可以幫助下我日常開支，咁直到4月1日突然聽到個消息話，英國話唔派息喎。咁你唔派息，係咪應該要以股代息呀？連股又唔俾，息又唔俾，唉，簡直係晴天霹靂呀，咁，如果係咁，你唔應該叫HK Bank啦，叫UK Bank啦，係咪？」。她接著徬徨地表示「我依家都唔知點算啦，息又冇得收，啲（股）價又跌到咁低，我等住啲錢嚟救命呀」。
小股東黃女士（小圖）哭訴「息又冇得收，啲（股）價又跌到咁低」。
另一位小股東李女士也哽咽地指心情好難過，一直認為持有滙控即使無賺「都仲有息收」，並透露自己用滙豐自製年金，「以為一個月可以收番萬零蚊，一年有十零萬，都OK啦，（股價）跌咗就跌咗啦，守番上去，但竟然估唔到滙豐好似個賊咁」，宣布好派息也突然取消。
資料圖片
滙控行政總統祈耀年日前發表「滙豐致香港投資者的信」，表示對取消派息深表歉意，信中提到「滙豐集團與英國所有其他大型銀行一樣，已按英國主要監管機構審慎監管局的直接要求，取消派發2019年第四次股息。我們亦會於2020年底前暫停派發股息。
滙豐小股東權益大聯盟聯同順裕資產管理下午召開記者會。
就取消派息對閣下、您的家人或業務所帶來的影響，我們深表歉意。本行非常明白股息對香港股東的重要性......滙豐今年以來的業績保持穩健，集團資本雄厚而且流動性充裕。董事會在較能掌握疫情對經濟的影響後，會重新檢討派息政策。」
