馬海倫請食豬肋骨 吳業坤讚：同你一樣咁滑

把口咁甜！

「長輩殺手」吳業坤（坤哥）深得圈中一班前輩歡心，日前收到「阿姐」汪明荃所贈的消毒噴霧後，他都表示驚喜又窩心，也自覺好有長輩緣，好開心得到大家的愛錫。今日，坤哥又於社交網上載兩條短片，其中一段是他與「Helen姐」馬海倫的Whatsapp對話，片中Helen姐收到坤哥嗒豬肋骨的照片後，即好貼心地問對方：「會唔會好『鞋』呀？夠唔夠味呀？」經常對姐級前輩口花花的坤哥就秒覆一句：「同你一樣咁滑呀！」咁識冧女，難怪啲姐姐咁錫他啦！

其實前年Helen姐生日，坤哥都自言「食咗佢隻鮑魚」。

坤哥又留言：「話說上年準備緊演唱會嘅時候，Helen姐佢驚我冇嘢食但又肥，所以佢整咗呢個健康嘅豬肋骨畀我，琴晚一想食又有得食......」仲Hashtag「請繼續餵食」、「#好食到哭咗成晚」，一眾網民睇見亦紛紛搞笑留言：「性騷擾呀」、「把口啷過油」、「又調戲人」等，認真爆笑！其實坤哥點止食過對方炮製的豬肋骨，前年Helen姐生日，他仲自爆「食咗佢隻鮑魚」，看來Helen姐經常煮「好西」過坤哥食！

坤哥叫到，Helen姐即製豬肋骨給他食，坤哥仲口花花讚：「同你一樣咁滑呀！」

坤哥聲稱上載的第2條片是「治療系ASMR食嘢聲」，不過啲聲好假似後製，笑死！

坤哥日前收到「阿姐」汪明荃所贈的消毒噴霧後，他都表示驚喜又窩心。

深得圈中一班前輩歡心的坤哥仲稱呼薛家燕做「阿燕」。

坤哥勁啊！

吳業坤坤哥一向酷愛日本文化，不時飛日本外，早年更迎娶日籍太太。日前坤哥又有好消息公布！苦練四年空手道的坤哥，首次參加《第十三回親善空手道選手權大會》組手比賽，隨即奪冠，於社交平台開心分享獎杯及獲獎感受，更訂下成為港隊一份子為目標，熱血爆棚。

坤哥首次參加《第十三回親善空手道選手權大會》組手比賽。

成功奪冠！

四年前，因為疫情關係，坤哥自我增值而開始接觸空手道，向前港隊香港空手道精英運動員李偉志拜師學藝。坤哥在這四年無間斷練習，為比賽作好準備，得獎開心不已，「2020年5月第一次接觸空手道，練習左差唔多四年，今日第一次參加組手比賽，拎到冠軍好開心（人生對上一次拎冠軍好似係中五既推鉛球金牌）我會繼續努力！！！！」

坤哥（右）四年前開始向前港隊香港空手道精英運動員李偉志（左）拜師學藝。

事後，坤哥更道出自己已訂下新的人生目標，希望成為港隊一份子，為港爭光，亦十分感謝教練、太太及朋友們的支持。

坤哥更訂下新的人生目標，希望成為港隊一份子，為港爭光！