娛圈事
呢一幕好型！
影片截圖
新劇《機場特警》播出以來收視不俗，劇中主角楊明、張振朗、蔡思貝、鄧佩儀為著飾演機場特警進行不同程度訓練，男演員更練出一身肌肉，相當養眼。
影片截圖
劇情講到，機場特警張振朗飾演的「Hill張」執行期間遇上空姐被挾持個案，得知被挾持的人質是心儀對象湯洛雯飾演的「娜娜」時候，顯得心急如焚，飛快跑去現場，最後雖然受輕傷但成功制服疑犯！英雄救美呢一幕令娜娜對Hill張好感度大增，藉住救命之恩向Hill張暗示自己的心意。
影片截圖
影片截圖
靚湯心痛愛貓！
湯洛雯（靚湯）與馬國明結婚後，雖然二人未生小朋友，不過他們當一對愛貓Tino同Ariel是心肝寶貝一樣，十分疼愛。昨晚（3月19日）靚湯在IG上載其中一隻愛貓打完疫苗後出現異常反應，令她非常擔心，心痛到眼淚狂飆，還提醒大家帶毛孩去打疫苗時，一定要小心觀察打完之後的反應。
湯洛雯與馬國明當兩隻愛貓是心肝寶貝一樣。
愛貓打完疫苗後出異常反應。
靚湯說：「大家帶毛孩去打疫苗時候，一定要小心觀察打完之後嘅反應！今日帶大仔去打疫苗，以前打都冇事最多係攰啲，但係今日返到屋企，見佢一開始少少肚痾，跟住鼻哥好紅，再見到佢眼腫晒，之後呼吸極快，我真係嚇到癲咗即刻帶返佢去診所，打抗敏針同止嘔針，瞓氧氣箱，個心痛到啲眼淚狂飆。」她續指幸好半小時後情況舒緩「依家帶咗返屋企，好攰好攰，係咁瞓覺，都放心返啲醫生話極少數會有咁嘅反應，不過咁啱就係嗰個極少數佢仲話好彩我哋快帶佢去，如果唔係後果都有危險…………大家有冇試過啲咁嘅情況？」
靚湯心痛得狂飆淚！
隨後，靚湯感謝大家的留言，並指愛貓情況已穩定：「多謝大家嘅留言，原來大家都試過有咁嘅情況，真係好恐怖，第時都真係要考慮係咪真係要繼續打，太驚嚇。Update返，見佢睡姿回復正常，應該舒服返好多。」
靚湯叫大家帶毛孩打完疫苗後， 一定要留意牠們情況。
指愛貓情況已穩定。
