上次聽完班男人講佢哋最討厭的女人，搞到芝芝同一班姊妹咬牙切齒，於是我搵唔同絲打傾偈，終於集齊我哋最討厭的六種男人！
No 1 婆婆媽媽的男人
呢種男人咩都管，人哋做的事佢統統唔放心，由花錢買家具，到今晚食飯食啲咩，佢都要指指點點。好聽啲係細心，率直啲講就係囉嗦，絕不會給你一點清靜空間，有他的地方，你都唔想旨意耳根清靜，一句講晒︰煩夠未呀？！
No 2 小氣孤寒的男人
廿歲出頭的Zoe 話試過同男仔出街，點知對方事先講明出街最多只可駛幾多錢，請完食飯後，就話下次輪到Zoe回請，仲喺飯桌上公開講呢餐飯食咗幾多錢，好似送咗好大人情咁。Zoe話以後都唔敢同佢出街，呢種男人驚蝕底，諗盡方法保證利益不被侵犯，過佢哋拍拖慘過受刑。
網上圖片
No 3 像苦瓜乾的男人
呢種人睇得生命太過沉重，成日杞人憂天。有佢哋喺身邊，周圍都好似「高壓脊」，令人抖唔到氣，人生無晒希望，只有黑暗與悲涼咁。同佢咃一齊，就要成日估佢為咩煩惱，為咩唔開心，想佢關心你？根本就係奢望。
No 4 冷漠自私的男人
這種男人永無紳士風度，不會忍讓我哋成班姊妹，反而覺得女生們要主動付出，他會扮到cool魔咁，好像示威咁話俾你知，唔好諗住我會追你呀！No way！呢啲男人我先唔要。呢種人遇事都推卸責任，拍拍pat pat 就走，無姊妹會對這種毫無憐香惜玉之情的男人感興趣，同佢哋有肌膚之親，佢都只係諗住自己，oh！
No 5 渾渾噩噩傻男人
「有心栽花花不開，無心插柳柳成蔭」呢個世界凡事要努力，如果你無見標，金錢、地位係唔會自動走嚟搵你。任何男人都要樹立遠大目標，有野心先會容光煥發、魅力無窮。一個男人沒想法，渾渾噩噩，猶如行屍走肉，無活力、無光芒，送俾我都唔要。
網上圖片
No 6 心胸狹小疑心男
Angel以前個老公疑心好重，成日對老婆不放心，不准佢識異性朋友，放工後要立即返屋企，搞到好似坐監咁，最後梗係離婚啦！呢種男人心胸狹窄，分分鐘仲有暴力傾向，沒有包容心，姊妹們一旦犯錯，可能俾佢打一身。同呢種男人一齊就好像同魔鬼共度，危機四伏。
唔知各位姊妹仲有無其他意見呢？歡迎留言俾芝芝呀！
芝芝‧知性
** 博客文章文責自負,不代表本公司立場 **