日前全國人大會議公佈了《健全香港特別行政區維護國家安全的法律制度和執行機制的決定》草案，社會大衆對此議論紛紛，一時間社會輿論鼎沸。香港係言論自由社會，預咗不同意見，原來亦有不少趣緻言論。
工聯會立法會議員麥美娟（Alice）在其Facebook節目《夜媽媽開Live》中，就大爆佢搜羅到嘅「記者三大趣緻問題」同「網民三大令人哭笑不得的留言」，讓香港人輕鬆吓笑吓。
麥美娟開咪爆記者趣緻問題與網民搞笑留言
Alice話，佢收集到三條記者嘅趣緻問題，分別係股市跌同「港區國安法」是否有關、中央親自出手立法是否表示建制派無用，以及立法是否為攬炒派「助攻」。佢反駁記者呢幾條問題，話在香港立國家安全法是中央政府的憲制權力，股市升跌亦影響唔到；佢仲笑住話，如果股市升跌係一個立法指標，咁就可以搵證券界的張華峰來做特首，搞升個股市，咁大家係咪贊成立國安法？
Alice 又話，「港區國安法」係列入《基本法》附件三，成爲一條在港實施的全國性法律，同中央立《駐軍法》一樣，同樣放在附仲三，無關建制派有無用；攬炒派上年將香港社會搞得笠笠亂，迫使中央出手立法，所以立法確實由佢哋「成功爭取」立國安法。
講完駁完記者問題，Alice話不得不講吓佢收集到嘅三類網民的留言，因爲真係好趣緻，必須要公諸同好。佢話有個網民講「港區國安法」立法反映爭取「立法會35+」已經無用，當務之急係要爭取在人大過半數喎。Alice當即表示呢位網友好有「志氣」，對於咁有志氣嘅人要鼓勵，更囑咐佢俾心機，又建議佢多些返國内行吓，了解多一些國情，爭取成爲人大代表，達成夢想。
她又引述另外有網友就認爲立法後香港已不適合居住，所以需要同其他國家商量是否可以加快審批港人移民程序。本來以爲條問題已經好無稽，但「沒有最無稽，只有更無稽」，網民竟然呼籲大家衆籌買島，讓唔想生活在「無自由」社會的港人在孤島上盡情享受自由，甚至可以「獨立建國」。Alice話，呢個咁有志氣的想法，也都需要鼓勵，希望多些人幫吓佢哋，仲呼籲大家慷慨捐輸，多多益善，少少無拘。
又有網友話香港的末日已到，想要自救，就要將抗爭升級，呼籲包圍立法會。Alice就笑稱，班人都搞唔清問題，「港區國安法」草案係由全國人大立法，而不是由香港特區立法會審議，如果「夠薑」就上北京圍人民大會堂。
Alice 回應網友呢三條問題，盡顯黑色幽默，不過打打嘴炮，當幾則笑料聽完就算。因爲今次阿爺出招確實强硬，已經話到明對任何反應都唔會有絲毫退讓妥協。
Sebastian
** 博客文章文責自負,不代表本公司立場 **
旅發局進一步擴大旅遊義工計劃，準備招募更多對旅遊業有熱情的市民尤其是年輕人，希望佢哋身體力行做好東道主的角色，同旅客分享各種旅遊主題和知識。
Sebastian去聽了這些義工分享的經驗，發覺原來喺旅發局做義工真係唔係「義工」兩個字咁簡單，佢哋的經歷有趣的一面，也有感人之處。
「旅遊義工」Agnes退休前任職跨國公司管理層。
退休前在一家跨國公司做管理層的Agnes，擔任旅遊義工計劃已經有12年的時間，有什麼令佢印象深刻的經歷呢？Agnes分享話，在2018年的時候，遇到一位英國來的老人家，帶住一家大細同一本相簿，想搵返相片中的景色拍照留念。原來呢一位英國老人家係喺香港出生，5歲時跟隨父母返回英國居住。根據呢位老人家的自白，他對香港的記憶全部來自父母影低嘅相。
收到呢個請求之後，Agnes就一心想幫佢完成這個心願，認真幫老人家研究攝影地點喺邊度。結果就發現，除了一個景點外，其餘全部都對得上，Agnes就教老人家如何去現場影返啲相。佢哋影相時甚至擺出了當年老人家父母的甫士。
因為參加義工計劃不是日日返工，每次服務時長僅需大約3個鐘，Agnes隔幾日才會去到尖沙咀旅遊咨詢中心當值。事件過去後，有天返時時，有旅發局同事搵到Agnes，話英國老人家來告別，留底紀念品俾佢。Agnes打開禮物一睇非常感動，原來係老人家的父母當年喺香港影的舊照片。Agnes覺得呢啲係老人家的獨家回憶，不敢收藏，因為承載咗佢對父母的緬懷。後來先知，原來老人家已將舊相數碼化，送俾Agnes嘅係拷貝，現在存放在旅發局。
Agnes話，每當想起這段回憶，自己能夠幫老人家完成心願，好有滿足感。
退休之前喺跨國企業做管理層的Agnes仲笑言話，做義工工作仲有一個好處，就係佢平時返工工作壓力非常之大，做義工反而係佢緊張的工作生涯找到放鬆自己的一種好方法。
由新加坡回流香港發展的Marco，透過參與「旅遊義工」計劃重新認識香港。
Marco做咗6年的義工，佢係土生土長的香港人，但之前去了新加坡定居工作，但仍然覺為香港「做番啲嘢」，於是加入到義工招募計劃，現在從新加坡回流回香港，更希望通過計劃喺香港服務遊客，將香港的旅遊咨詢同旅客分享。
由於曾在新加坡生活，熟番當地人的生活習慣和語這，在做旅遊義工時，可以運用經驗協助遊客，例如，了解新加坡沒有鵝，只有鴨供應，所以明白新加坡遊客到香港品嘗和購買燒鵝是熱門活動，他就一早了解定向遊客介紹。
做旅遊義工，除了要求兩文三語流利，如果識多一種語言，對工作就更有幫助。Marco就笑言，除了三語，他仲識講新加坡式的英文，咁接待新加坡遊客時，佢就有個人優勢，黎到香港玩的新加坡人亦會覺得有親切感。
最新一期的旅遊義工計劃已開始招募，一直去到5月31日截至。今年成功入圍咗呢個計劃的學員，除咗可以學習多項本地旅遊方面的知識，譬如傳統本地文化、購物、綠色旅遊等等，今年仲邀請到星級導師，教大家點樣做好旅遊使者。
各位如果有興趣都可以試下報名參加計劃，為香港旅遊出一分力，亦都係結識世界唔同地區朋友嘅好好機會。
