黃宗澤輕發福努力做Gym 引來張栢芝搲水吹

張栢芝留言讚黃宗澤好fit。

39歲的黃宗澤接受訪問時透露疫情期間雖然成日喺屋企，但他一點都不悶還非常之忙，因為他會：「做家務、運動同油吓屋企。」又會帶啲狗去行山同做運動，雖然係咁郁，「但都肥咗3磅幾。」他答得好無奈。

資料圖片

黃宗澤同張栢芝識於微時，好鍾意放嘢上網嘅栢芝見到舊友嘅Post都忍唔住留言。

資料圖片

資料圖片

年紀不細，再肥落去好難減，所以澤囝覺得是時候要操吓，就跟教練做Gym，他將做Gym片段放上ig後，即引來「ig之后」張栢芝的留言，「好耐冇見呀好努力喎，唔怪得知保持得咁fit啦。」，兩人在1998年拍陽光檸檬茶廣告入行，都成22年前，栢芝講的好久不見，不知幾多年呢?

兩大型男鬥身形

張繼聰曾與黃宗澤合作過劇集《幕後玩家》以及《紮職2》，早前兩人在健身房意外相遇，兩大型男鬥身形，張繼聰超有「機心」靠茅招搶Fo！

張繼聰經常騷肌

肌肉幾勁！

Bosco都好Fit

張繼聰在社交平台分享與黃宗澤及教練的合照，並留言：「紮職2之舉鐵」，之後他又貼出同一張照片：「諗諗吓好似第一次喺健身室撞到，真係要影返張相留念。我認我機心好重，第一張相，擺啱pose , 隻手老年咁大」。相片中的他故意彎曲手臂谷起二頭肌，手瓜起腱相當誇張，將舉機拍攝的黃宗澤比下去。

兩大型男首次健身房相遇！

張繼聰自認有機心！