嘩～～～
兩位索媽林芊妤（Coffee）和吳日言（Yan）昨日（14日）無懼3號風球，一朝早帶着寶貝仔女「翟伯伯」翟德彥及「Bea」林禧茹（Beatrice）去沙灘晒太陽玩沙，二人更在社交網站大晒新子水着照。
網友大讚Yan心地好又靚女。
兩位萌B都唔執輸玩自拍。
Yan留言：「呢兩個媽咪，3號風球帶BB去游水。#媽咪壞壞 #千祈唔好學 #眨吓眼就咁大個 #幾時生第二個 #又話掂下就有 #掂極都冇」。
相中，Coffee以三點式上陣大騷「至強Body」就睇得多，但Yan着超Deep V一件頭晒34D「八字波」就非常難得，身材Fit爆的兩人可謂搶晒B仔B女的焦點。
Coffee都有在社交網站分享合照，並上載了囝囝克服對沙恐懼的片段，「當你有個仔連雀仔都驚，但經歷左幾次沙灘，佢而家終於唔怕沙啦」。
不少網民都留言大讚：「生完都咁索」、「兩個都好fit」、「Hot mama... you made others jealous」，而同樣出名好身材的33C孫慧雪也留言：「下次親子日預埋我呀。」相信一班粉絲都好期待三位索媽晒Body的畫面。
